default_image

6 years ago

April 4, 2019

दिल बहादुर स्मृति भलिबल वैशाखमा

109 views

0 Bookmark

गोरखा (हाम्रो खेलकुद) – दोस्रो दिल बहादुर स्मृति कप खुल्ला पुरुष भलिबल प्रतियोगिता बैशाख दोस्रो सातादेखि आयोजना हुने भएको छ ।

बारपाक सुलिकोट गाउपालिकाको आयोजना तथा वडा नम्वर १ र २ को व्यवस्थापनमा दोस्रो संस्करणको प्रतियोगिता बैशाख १२ गतेबाट १४ गतेसम्म आयोजना हुने भएको हो । प्रतियोगितामा एक टोलीमा बढीमा दुई जना राष्ट्रिय खेलाडी राख्न पाउने प्रावधान राखिएको छ । जिल्ला बाहिरका खेलाडीलाई खाना र बस्नको व्यवस्था गरिएको आयोजकले जानकारी गराएको छ । प्रतियोगितामा सहभागिताका लागि ५ हजार ५ सय दर्ता शुल्क तोकिएको छ ।

प्रतियोगिताको विजेताले १ लाख ५ हजार रुपैयाँसहित शिल्ड मेडल र प्रमाणपत्रा पाउनेछन् । दोस्रो हुनेले ६० हजार रूपैया तथा तेस्रो हुनेले ३० हजार रुपैयाँ हात पार्नेछ । यस्तै सान्त्वना हुनेले १५ हजार रुपैयाँ हात पार्नेछ ।

प्रतियोगिताको सर्वाेत्कृष्ट खेलाडीले ५ हजार तथा व्यक्तिगत विधातर्फका स्पाइकर, ब्लकर, क्वीकर, सेटर, सर्भर, डिफेन्स र प्रशिक्षकले समान ३–३ हजार रुपैयाँ हात पार्नेछ । प्रतियोगिताको सबै खेल बारपाक खेल मैदानमा हुनेछ ।

दिल बहादुर रम्तेल १० वर्षे सशस्त्र जनयुद्धका पहिलो सहिद हुन् । उनकै स्मृतिमा बारपाक गाउपालिकाले २०७२ को भूकम्पको केन्द्रविन्दु गोरखाको बारपाकमा प्रतियोगिता आयोजना गर्न लागेको हो । गतवर्ष साविकको देउराली गाविसमा पहिलो संंस्करण आयोजना भएको थियो ।

यसपटक भूकम्पको केन्द्रविन्दु बारपाकमा प्रतियोगिता आयोजना गर्न लागिएको र करिव २० भन्दा बढी टोलीले प्रतियोगितामा सहभागिता जनाउने अनुमान गरिएको प्रतियोगिता संयोजक तथा अन्तर्राष्ट्रिय भलिबल रेफ्री बिकास गुरुङले जानकारी गराए ।

March 16, 2025

भलिबलका हेमन्तको गन्तव्य पनि अस्ट्रेलिया

सिड्नी (हाम्रो खेलकुद) – नेपाली पुरुष राष्ट्रिय भलिबल टोलीका सदस्य हेमन्त बहादुर मल्लले पनि आफ्नो गन्तव्य अष्ट्रेलिया बनाएका छन् । पुरुष तथा महिला राष्ट्रिय टोलीका सदस्यहरुले सुरक्षित भविष्यको लागि विदेश गन्तव्य बनाइरहँदा हेमन्तले पनि अष्ट्रेलिया रोजेका हुन् । हेमन्त गत जनवरीको अन्तिम साता द गोर्खा स्पोर्ट्स क्लबले आयोजना गरेको दोस्रो अजी फाइनान्स गोर्खा कप पुरुष […]

March 7, 2025

झापामा १५ औँ राष्ट्रपति रनिङ सिल्ड सुरु

हिमाल खरेल ,भद्रपुर झापा जिल्लास्तरीय १५ औँ राष्ट्रपति रनिङ सिल्ड प्रतियोगिता आज भद्रपुरस्थित मेची रंगशालामा सुरु भएको छ ।प्रतियोगिताको उद्घाटन कोशी प्रदेशका पर्यटन, वन तथा वातावरणमन्त्री सदानन्द मण्डलले गरे । आयोजक झापा जिल्ला खेलकुद विकास समितिका अध्यक्ष भेषराज भण्डारी ‘प्रशान्त’ को अध्यक्षतामा भएको कार्यक्रममा १५ वटै पालिकाबाट सहभागी खेलाडी छात्रछात्राले मार्चपास गरेका थिए । समितिका […]

February 23, 2025

माछापुच्छ्रे गाँउपालिका अध्यक्ष कप भलिबल यसै साता

काठमाडौं (हाम्रो खेलकुद) – तेस्रो संस्करणको माछापुच्छ्रे गाँउपालिका अध्यक्ष कप गण्डकी प्रदेश अन्तरपालिका स्तरीय पुरुष तथा खुल्ला महिला भलिबल प्रतियोगिता यसै सातादेखि हुने भएको छ । माछापुच्छ्रे गाँउपालिका खेलकुद बिकास समिति लाहाचोक कास्कीको आयोजनामा हुने प्रतियोगिता १४ देखि १७ फागुनसम्म माछापुच्छ्रे गाँउपालिका वडा नम्वर ७ धम्पुसमा हुनेछ । पुरुषतर्फ पालिका बाहिरका जुनसुकै तह र स्तरका […]

Success

Thank you for your time.