गण्डकी र प्रदेश ३ समुह विजेता

धनगढी (हाम्रो खेलकुद) – गण्डकी प्रदेश र प्रदेश नम्वर ३ धनगढीमा जारी मुख्यमन्त्री कप अन्तर प्रदेश खेलकुद प्रतियोगिता अन्तरगत पुरुष र महिला भलिबलमा समूह विजेता बनेको छ ।

गण्डकी प्रदेश पुरुषमा तथा प्रदेश ३ महिलामा समूह विजेता बन्दै सेमिफाइनलमा प्रवेश गरेको हो । यस्तै गण्डकी रहेको समूहबाट प्रदेश ५ उपविजेता बन्दै अन्तिम चारमा पुग्न सफल भयो । अर्काे समूहबाट प्रदेश १ विजेता र सुदुरपश्चिम उपविजेता बन्दै सेमिफाइनलमा पुगे । अब सेमिफाइनलमा प्रदेश १ र प्रदेश ५ तथा गण्डकी प्रदेश र सुदुरपश्चिम भिड्नेछन् ।

यस्तै महिला भलिबलमा समुह ‘बी’ बाट प्रदेश ३ विजेता र गण्डकी प्रदेश उपविजेता बन्दै अन्तिम चारमा पुग्न सफल भए । समूह ‘ए’ बाट प्रदेश ५ विजेता र सुदुरपश्चिमले उपविजेता बन्दै सेमिफाइनलको यात्रा तय गरे । सेमिफाइनलमा प्रदेश ५ र गण्डकी तथा प्रदेश ३ र सुदुरपश्चिमबीच खेल हुनेछ ।