7 years ago
February 10, 2018
काठमाडौं (हाम्रो खेलकुद) – नेपाली खेलकुदको प्रतिष्ठित प्रतियोगिता प्रधानमन्त्री कप अन्तर्राष्ट्रिय महिला भलिबलले मिस नेपाल निकिता चन्डकलाई सद्भावना दुत अनुबन्धित गरेको छ ।
मिस नेपाल वर्ल्ड निकिता चन्डक प्रधानमन्त्री कपको पाँचौं संस्करणमा सद्भावना दुत नियुक्त भएकी हुन् । प्रधानमन्त्री कप आयोजक बाँके जिल्ला भलिबल संघले मिस नेपाल आयोजक हिडन ट्रेजरसँग सहकार्य गर्ने सिलसिलामा सद्भावना दुतसम्बन्धी सम्झौता गरेको छ । बाँके भलिबल संघका अध्यक्ष टीएस ठकुरी र हिडन ट्रेजरका अध्यक्ष गोपाल सुन्दरलाल कक्षपतिबीच सम्झौतापत्रमा हस्ताक्षर भएको हो ।
‘नेपालको राष्ट्रिय खेल भलिबलको प्रवर्धनमा हामीले गरेको प्रस्तावमा हिडन ट्रेजर टिमले सहर्ष स्वीकार गर्नुभयो, यसप्रति हामी आभार प्रकट गर्दछौं ।’ बाँके जिल्ला भलिबल संघका अध्यक्ष टीएस ठकुरीले भने, ‘महिला सशक्तीकरणमा प्रभावकारी भुमिका निर्वाह गर्दै आएको हिडन ट्रेजर र प्रधानमन्त्री कपले पनि महिला सशक्तीकरणमा काम गर्दै आएकोमा हाम्रो उद्देश्य मिल्न गयो, र सहकार्य साझेदारी गर्दै अघि बढ्ने सोच बनाएका हौं ।’
प्रधानमन्त्री कपका हरेक संस्करणमा मिस नेपाल नै सद्भावना दुत हुने बाँके जिल्ला भलिबल संघले जनाएको छ । सद्भावना दुत नियुक्त भइसकेपछि मिस नेपालले राष्ट्रिय खेल तथा प्रधानमन्त्री कपको प्रवर्दन गर्ने अपेक्षा गरिएको छ । प्रधानमन्त्री कपको उद्घाटनदेखि समापनसम्म मिस नेपाल उपस्थित रहने आयोजकले जनाएको छ ।
पाँचौ संस्करणका लागी सद्भावना दुतको रुपमा अनुबन्धित भएकी निकिताले प्रधानमन्त्री कपको प्रचा प्रसार र महत्वलाई बढाउन सहयोग गर्ने आयोजक बाँके जिल्ला भलिबल संघका अध्यक्ष टिएस ठकुरीले बताए । प्रधानमन्त्री कप अन्तर्राष्ट्रिय महिला भलिबल फागुन पहिलो साता नेपालगन्जमा सञ्चालन हुँदैछ । पाँचौ संस्करणमा तीन देशका टिमले प्रतिस्पर्धा गर्ने भएका छन् ।
लिगकम नकआउटका आधारमा फागुन ३ देखी ७ गते सम्म हुने प्रतियोगितामा आयोजक टिमसँगै नेपाल एपीएफ क्लब, नेपाल पुलिस क्लब, न्यु डायमण्ड एकेडेमी, पश्चिमाञ्चल टिम पोखरा, देहरादुन(भारत) र बंगलादेशी क्लबले खेल्नेछन् । प्रतियोगिताको विजेताले २ लाख रुपैया, उपविजेताले १ लाख र तेस्रोले ५० हजार रुपैया पुरस्कार पाउनेछन् ।
October 5, 2024
काठमाडौं(हाम्रो खेलकुद) – कर्णाली याश्विजकी सदस्य जेनेप ओत्रान वात्सल्य एभरेष्ट महिला भलिबल लिग (इडब्लुभिए) को सर्वोत्कृष्ट खेलाडी बन्न सफल भएकी छिन् । शनिवार भएको लिगको फाइनलमा खेलमा ललितपुर क्विन्सलाई पराजित गर्दै कर्णाली च्याम्पियन बनेको थियो । कर्णालीलाई अपराजित रुपमा लिगको च्याम्पियन बनाउन जेनेपको महत्वपूर्ण भूमिका रहेको थियो । जेनेपले सर्वोत्कृष्ट खेलाडी बन्दै २० हजार रुपैयाँ […]
October 5, 2024
काठमाडौं (हाम्रो खेलकुद) – कर्णाली यश्वीजलेफ्रेन्चाइज भलिबल लिग वात्सल्य एभरेष्ट महिला भलिबल लिग (इडब्लुभिए) को उपाधि जितेको छ। त्रिपुरेश्वरस्थित राष्ट्रिय खेलकुद परिषदको कभर्ड हलमा शनिवार भएको अत्यन्त रोमाञ्चक फाइनलमा ललितपुर क्विन्सलाई कर्णालीले ३-२ ले हराउँदै उपाधि जितेको हो। अपराजित रहँदै फाइनलमा पुगेको कर्णालीले उपाधि जित्ने संभावना तुलनात्मक रूपमा बढी थियो। लिग चरणमा पनि ललितपुरलाई कर्णालीले […]
October 5, 2024
काठमाडौं(हाम्रो खेलकुद) – वात्सल्य एभरेस्ट महिला भलिबल लिग (इडब्ल्युभिएल) को उपाधिका लागि कर्णाली यश्विज र ललितपुर क्विन्सबीच शनिवार प्रतिस्पर्धा हुँदैछ । त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा फाइनल साँझ ५ः३० बजे सुरु हुनेछ । लिग चरणबाट कर्णाली शीर्ष र ललितपुर दोस्रो स्थानमा रहँदै उपाधि भिडन्त पक्का गरेका हुन् । कर्णालीले लिग चरणमा अपराजित रहँदै […]