काठमाडौं (हाम्रो खेलकुद) – नेपाली भलिबल टोलीका पूर्व खेलाडी नवीन गुरुङको अध्यक्षतामा १३ सदस्यीय नेपाल भलिबल संघ जापान सम्पर्क समिति गठन भएको छ । जापान समितिको अध्यक्षमा चयन भएका आज नेपाल भलिबल संघका केन्द्रिय अध्यक्ष मनोरन्जन रमण शर्माले बिहबिार राजधानीमा मनोनयनको प्रमाण पत्र प्रदान गरे ।

संघको बिधान अनुसार जापान तदर्थ समिति गठन भएको संघका महासचिव जितेन्द्रबहादुर चन्ले जानकारी दिए । समितिको वरिष्ठ उपाध्यक्ष लोकेश खत्री,उपाध्यक्षमा मदन साउद,महासचिव मुक्ती सुवेदी,सचिवमा बविन थापा र कोषाध्यक्षमा दिपेश खत्री छन् । भिक्टोर ठाडा मगर,हितु थापा,महेन्द्र साहानी,राम मल्ल,राम लामिछाने,कमल थापा र प्रकाश चन्द जोशी सदस्य छन् ।

अध्यक्ष गुरुङले राजु बस्नेत,जिवन खड्का र कमला काप्री र कविता लामिछाने लाई सदस्यमा मनोनयन गरेका बताइएको छ । कार्यक्रममा अध्यक्ष गुरुङले संघका अध्यक्ष शर्मालाई ४० हजार रुपैयाँ सहयोग हस्तान्तरण गरेको छन् । गुरुङले नेपाल बंगलादेश मैत्रिपूर्ण भबिल खेलका लागि ५० हजार रुपैयाँ सहयोग गरेको कार्यक्रममा जानकारी दिएको थियो ।

महासचिव चन्दले विदेशमा रहेका नेपालीको सक्रियतामा साउदी, अस्ट्रेलियालगायत ७ देशमा समिति गठन भएको छ । विदेशीमा यसरी समिति गठन गरि क्रियाशिल हुँदा नेपालको भलिबलमा विकास पुग्ने आशा संघले राखेको चन्दले बताए ।