7 years ago
November 2, 2017
काठमाडौं (हाम्रो खेलकुद)– अस्ट्रेलियामा नेपाली समुदायबीच भएको एनइभिएस भलिबल प्रतियोगिताको उपाधि पोखरा भलिबल क्लबले जितेको छ । ढोरपाटन क्लबलाई २५–१७,२५–२१ र २५–१८ को सोझो सेटमा हराउँदै पोखरा विजयी भएको थियो ।
आयोजक गल्कोट समाज अस्ट्रेलियाका खेलकुद सचिव जंग कुँवरका अनुसार सिड्नीको मारिकभिलीस्थित पिसिएसी क्लबमा बुधबार भएको प्रतियोगिताको सेमिफाइनलमा ढोरपाटनले आयोजक गल्कोट समाजलाई २५–१८ र २६–२४ तथा पोखराले नेपाली अस्ट्रेलिया युथ एसोसिएसनलाई २८–१८ र २५–१४ को सोझो सेटमा हराएको थियो ।
झन्डै चार सय नेपाली दर्शकको उपस्थितिमा भएको प्रतियोगितामा पोखराका सन्दीप गुरुङ उत्कृष्ट खेलाडी घोषित भए । त्यस्तै पोखराका दीपक मगर उत्कृष्ट लिफ्टर, ढोरपाटनका विवेक खुम्बु श्रेष्ठ उत्कृष्ट स्पाइकर चुनिए ।
न्यू साउथ वेल्सका महावाणिज्य दुत दीपक खड्का, गल्कोट समाजका अध्यक्ष नीरजन भण्डारी, एइभिएसका व्यवस्थापक लगायतले विजेता, उपविजेता टोलीका खेलाडीलाई पुरस्कृत गरे । सचिव कुँवरले प्रतियोगितालाई सफल पार्न सहयोग गर्ने सबै प्रति आभार व्यक्त गरे । गल्कोट समाज तीन वर्षअघि गठन भएको थियो ।
November 15, 2024
काठमाडौं (हाम्रो खेलकुद)- नेपाली राष्ट्रिय महिला भलिबल टोली तथा नेपाल पुलिस क्लबकी स्पाइकर उषा भण्डारी भाटभटेनी सुपर मार्केटको स्पोर्ट्स ब्रान्ड एम्बासडर नियुक्त भएकी छन् । महाराजगन्जस्थित आफ्नै भवनमा शुक्रवार आयोजित पत्रकार सम्मेलनमा भाटभटेनीले उषालाई एक वर्षका लागि आफ्नो स्पोर्ट्स ब्रान्ड एम्बासडर घोषणा गरेको हो । सोही अवसरमा खेल पोशाक कम्पनी टि टेन स्पोर्ट्सले पनि उषालाई […]
November 14, 2024
काठमाडौं (हाम्रो खेलकुद) – हेल्प नेपाल स्पोर्ट्स क्लब र गण्डकी प्रदेशले नेपालमै अर्को महिना हुने काभा पुरुष भलिबल क्लब च्याम्पियनसिप खेल्ने भएका छन् । आठौं प्रधानमन्त्री कप एनभिए लिगको विजेता र उपविजेताको हैसियतमा हेल्प नेपाल र गण्डकी प्रदेशले काभा क्लब च्याम्पियनसिपमा नेपालको प्रतिनिधित्व गर्न लागेका हुन् । प्रतियोगिता मंसिर २२ देखि २९ गतेसम्म नेपालमा आयोजना […]
November 10, 2024
काठमाडौं (हाम्रो खेलकुद) – नेपालमा खेल पूर्वाधार निर्माण कार्यमा संलग्न काया स्पोर्ट्सले आफ्नो कायापलट कार्यक्रममार्फत नेपाली महिला भलिबलमा बेग्लै पहिचान बनाएको न्यू डायमन्ड स्पोर्ट्स क्लबलाई सहयोग गर्ने भएको छ । आइतबार काया यू-१६ कप सेभेन-ए-साइड फुटसल प्रतियोगिता आयोजनाका लागि काया स्पोर्ट्सले गरेको पत्रकार सम्मेलनमा न्यू डायमन्डलाई सहयोग गर्ने जानकारी दिइएको हो । नेपाली फुटबलको विकास […]
