महाशिवरात्रीको पावन अवसरमा लामो समयदेखि पुरुष भलिबल प्रतियोगिता गर्दै आइरहेको पदमोदय युवा क्लबले यसपालि प्रतियोगितालाई अन्तराष्ट्रियकरण गर्ने भएको छ ।

क्लबले पर्यटकीय नगरी भरतपुर–२७, पदमपोखरीमा पटिहानीमा आउ“दो फागुन २३ देखि २६ गतेसम्म ‘पदमोदय अन्तर्राष्ट्रिय पुरुष भलिबल प्रतियोगिता–२०७२’ आयोजना गर्न लागेको अध्यक्ष रामहरि सेढाईंले जानकारी दिए । सेढाईंको अध्यक्षतामा वुधबार सम्पन्न कार्यसमिति र सल्लाहकार समितिको संयुक्त बैठकले सो प्रतियोगिता आयोजना गर्ने निर्णय गरेको हो । प्रतियोगितामा ३ विदेशी र ३ स्वदेशी टिमसहित ६ टिमले प्रतिस्पर्धा गर्नेछन् । जसअन्तर्गत भारत, बङ्गलादेश र भुटान गरी ३ विदेशी टिम र विभागीय टोलीहरु नेपाल पुलिस क्लब, सशस्त्र प्रहरीको एपीफ क्लब र नेपाली सेनाको टिम गरी ३ स्वदेशी टिमले राउन्ड रोबिन लिगको आधारमा १९ वटा म्याच खेल्नेछन् । प्रतियोगितामा पहिलो हुनेलाई डेढ लाख रुपैया“, दोस्रो हुनेलाई १ लाख र तेस्रो हुनेलाई ५० हजार पुरस्कार दिइनेछ । प्रतियोगिता सम्पन्न गर्न करिब २५ लाख खर्च लाग्ने अनुमान गरिएको छ । यसअघि क्लबले गतवर्ष पहिलो पटक राष्ट्रिय पुरुष भलिबल प्रतियोगिता आयोजना गरेको थियो । यस्तै बैठकले क्लबको साधारणसभा यही पुस ४ गते गर्ने निर्णयसमेत गरेको छ ।