8 years ago
July 3, 2017
काठमाडौँ (हाम्रो खेलकुद) – अमेरिकाको डालसमा एनएसी (नेपाल अमेरिका कन्भेन्सन) ले नेपाली समुदायका लागि आयोजना गरेको भलिबल प्रतियोगितामा सान फ्रान्सिस्को टिम विजयी भएको छ । आइतबार भएको फाइनलमा सान फ्रान्सिकोले डालास युनाइटेडलाई ३–० ले हराएको थियो ।
एक पक्षिय फाइनलमा सान फ्रान्सिको २५–१८,२५–२१ र २५–१९ ले जितेको थियो । विजयी टोलीमा पूर्व नेपाली राष्ट्रिय भलिबल टोलीका खेलाडी कैलाश भट्ट, रोमन श्रेष्ठसहित, सुरेन्द्र मल्ल, राजेन्द्र शेरचन, धर्म केसी, अमरदिप लामा, अजय लामा र चन्द्र शेरचन सम्मिलित थिए ।
भलिबलमा पाँच वटा नेपाली टोलीको सहभागिता रहेको रोमन श्रेष्ठले बताए । भलिबलको विजेता टोलीलाई अमेरिका भ्रमणमा रहेकी नेपाल भलिबल संघकी उपाध्यक्ष निरोज मास्केले पुरस्कृत गरेकी थिइन् ।
एनएसीले तीन दिने खेलकुद उत्सवमा भलिबलसँगै फुटबल, बास्केटबल र बास्केटबल लगायतका प्रतियोगिता आयोजना गरेको थियो । एलए एफसीबाट फुटबल खेल्न नेपाली राष्ट्रिय खेलाडी भरत खवास र पूर्व राष्ट्रिय खेलाडी राजु तामाङ अमेरिका पुगेका थिए । तर भरत र राजु सम्मिलित टोली क्वार्टरफाइनलमा पराजित भएको थियो ।
March 31, 2025
काठमाडौं (हाम्रो खेलकुद)- लाइन्स इन्टरनेसनल डिस्ट्रिक ३२५ एम को आयोजनामा अर्को महिना लाइन्स कप पुरुष भलिबल प्रतियोगिता हुने भएको छ। प्रतियोगिता पोखरा रंगशालाको कभर्ड हलमा २०८२ वैशाख १८ देखि २२ गतेसम्म हुने सोमवार पत्रकार सम्मेलनमा जानकारी दिइयो। आयोजकका डिस्ट्रिक गभर्नर चण्डीप्रसाद अर्यालले २ विदेशीसहित ६ टोलीको सहभागिता रहने जानकारी दिए । नेपालका ३ विभागिय टोली […]
March 31, 2025
सिड्नी (हाम्रो खेलकुद) – अस्ट्रेलियाको सिड्नीमा तेस्रो गल्कोट कप पुरुष भलिबल प्रतियोगिता नेपाली नयाँ वर्ष २०८२ को पहिलो साता आयोजना हुने भएको छ । एक दिने प्रतियोगिता वैशाख ७ गते सिड्नीको लिडकमस्थित ओवर्न बास्केटबल सेन्टरमा हुनेछ । प्रतियोगितामा अस्ट्रेलियाका रहेका नेपाली समुदायका १२ देखि १४ टोलीको सहभागिता रहने आयोजकले जनाएको छ । प्रतियोगिताको पुरस्कार राशि […]
March 22, 2025
काठमाडौं (हाम्रो खेलकुद) – स्याङ्जाको पुतली बजार नगरपालिकाको ऐतिहासिक काल्खु मेला २०८१ को अवसरमा सावक वडा/गाँउ स्तरिय पुरुष भलिबल प्रतियोगिता आयोजना हुने भएको छ । श्री जनसम्पर्क युवा क्लबले चैत्र पुर्णिमाको अवसर पारेर प्रतियोगिता ३० चैत २०८१ देखि ५ बैशाख २०८२ सम्म आयोजना गर्न लागेको जानकारी गराएको छ । प्रतियोगितामा सहभागिताको लागि ७ हजार रुपैयाँ […]