काठमाडौं (हाम्रो खेलकुद) – नेपाली युवा टोलीले काभा यु २० पुरुष भलिबल च्याम्पियनसिपको तेस्रो खेलमा माल्दिभ्सको सामना गर्दैछ ।

श्रीलंकाको कोलम्बो जारी प्रतियोगिताको आफ्नो तेस्रो खेलमा नेपाली समय अनुसार मंगलवार नेपालले माल्दिभ्सको सामना गर्दैछ । खेल नेपाली समय अनुसार दिउँसो २ः१५ मा हुदैछ । माल्दिभ्सलाई पराजित गरि नेपाल दोस्रो जितको खोजीमा रहेको छ ।

पहिलो खेलमा नेपालले घरेलु टोली‌ श्रीलंकालाई ३-० को सोझो सेटमा पराजित गरेको थियो । नेपाल दोस्रो खेलमा भने उज्वेकिस्तानसॅंग ३-१ को सेटमा पराजित भएको हो ।

नेपालले चौथो खेलमा असोज २४ मा किर्गिस्तानसँग खेल्नेछ । नेपालले पाँचौ खेलमा असोज २५ मा तुर्किमेनिस्तानसँग खेल्नेछ ।

प्रतियोगिताको शीर्ष दुईमा रहने टोलीबीच फाइनल खेल हुनेछ । फाइनल खेल असोज २६ मा हुनेछ । केहि महिनाअघि काठमाडौंमा‌ भएको यु १९ भलिबल च्याम्पियनसिपमा गरेको प्रदर्शनबाट खेलाडी छनोट गरिएको हो ।

सोही प्रतियोगिताको महिला प्रतियोगितामा भाग लिएर छनोट भएका टोलीले साउनमा माल्दिभ्समा भएको काभा यु २० च्याम्पियनसिपमा कास्य पदक जितेको थियो ।

नेपाली टोली – पहल गहतराज, सुरेश मल्ल, शैलेन्द्र यादव, सुर्य विक, अर्जुन नेपाली, विश्वास अधिकारी, सागर रसौली, अशोक राना, जित बहादुर सार्की, सुजन सुनार, लेसमन राहादी र दिपेश कुवँर।