featured - हाम्रो खेलकुद

नेपाल र भारत बिच भोलि हुने मैत्रीपूर्ण खेलमा कप्तान सागर थापाले नेपाल जितका लागि उत्रिने बताएका छन्

कप्तान सागर थापा, टिम मेनेजर रमेश रायमाझी र प्रशिक्षक ध्रुब केसी फोटो- एन.एस.जे.एफ

पुनेमा बिगत दुइ दिनदेखि अभ्यासरत टोलीको सम्पूर्ण तयारी पुरा भएको छ| बलेवादी रंगशालामा साँझको सात बजे हुने खेलक लागि यु-१९ टोलीका चार सदस्य आज बिहानै भारत प्रस्थान गरिसकेका छन्| नवनियुक्त प्रशिक्षक प्याट्रिक ओसेम्स खेल हेर्नका लागि आज चार खेलाडीसंग पुने लागेका हुन्| २५ सदस्यीय टोलीको जिम्मा यो खेलका लागि कोच ध्रुब केसीले लिनेछन भने यस खेल पश्चात विदेशी प्रशिक्षक ओसेम्सले कार्यभार सम्हाल्नेछन|

प्रि-म्याच प्रेस कन्फरेन्समा बोल्दै कप्तान सागर थापाले नेपाल जितका लागि तत्पर रहेको बताए| “भारतलाई हराउन असम्भव छैन, हामीले पहिला पनि भारतलाई हराएकै हौँ र फेरी पनि दोहोर्याउन सक्षम छौं,” थापाले भने|

“हामीले भारतसंगको खेललाई साफको तयारीको रुपमा लिएका छौं र यसले टिमलाई एकदम मद्दत पुग्नेछ,” थापाले टुंग्याए|