8 years ago
August 14, 2016
काठमाडौं, साउन ३० गते ।
लिटिल एन्जल्स (एलए) स्कुलले दोश्रो ललितपुर जिल्लाव्यापी अन्तरविद्यालय पौडी प्रतियोगिताको उपाधि आइतबार जितेको छ ।
इमाडोल स्विमिङ पुलमा भएको प्रतियोगितामा डिफेन्डिङ च्याम्पियन एलएले १ सय ६३ अंक जोड्दै उपाधि रक्षा गर्यो । ४५ अंकसाथ प्रिमियर दोश्रो भयो भए भने तेश्रो स्थानको युलेन्सले ४४ अंक बटुल्यो ।
ललितपुर जिल्ला पौडी संघद्वारा आयोजित प्रतियोगिताको ब्वाइजमा पावेल शाह तथा गल्र्समा इभा काफ्लेले सर्वाधिक स्वर्ण जिते । एलएका दुवैले ४ गुणा ५० मिटर फ्रिस्टायल मिक्स रिलेसहित समान ६–६ स्पर्धामा स्वर्ण हात पारे । पावेलले १२–१४ वर्ष उमेरसमूहको ५० मिटर ब्रस्टस्ट्रोकमा ४१.२६ सेकेन्ड, ५० मिटर बटरफ्लाइमा ३६.९५ सेकेन्ड, १ सय मिटर व्यक्तिगत मिड्लेमा १ मिनेट २६.१५ सेकेन्ड, ५० मिटर ब्याकस्ट्रोकमा ३९.८५ सेकेन्ड तथा ५० मिटर फ्रिस्टायलमा ३४.२० सेकेन्ड समय निकाल्दै ५ व्यक्तिगत स्पर्धामा शीर्ष स्थानमा रहे ।
त्यस्तै मिक्स रिलेमा पावेलले नेकोन पुर्जा, श्रीयान्सी श्रेष्ठ र इभासंग मिलेर स्वर्ण जिते । मिक्स रिलेमा पावेलको टोलीको टाइमिङ २ मिनेट २२.४० सेकेन्ड रह्यो । व्यक्तिगत ५ स्पर्धामा स्वर्ण हात पार्ने क्रममा इभाले १५–१६ वर्षको १ सय मिटर व्यक्तिगत मिड्ले १ मिनेट ३८.०८ सेकेन्ड, ५० मिटर ब्रेस्टस्ट्रोक ४७.८३ सेकेन्ड, ५० मिटर बटरफ्लाइ ४८.४५ सेकेन्ड, ५० मिटर ब्याकस्ट्रोक ४६.९४ सेकेन्ड तथा ५० मिटर फ्रिस्टायल ३७.७८ सेकेन्डमा पूरा गरिन् ।
विजेतालाई नेपाल प्रहरीका प्रहरी अत्तिरिक्त महानिरीक्षक विज्ञानराज शर्मा, एलएकी संस्थापक निर्देशक विद्या लिम्बू, आयोजक संघका अध्यक्ष मुकुन्दराज शर्मालगायतले एक कार्यक्रमबीच पुरस्कृत गरे ।
एकदिने प्रतियोगितामा विभिन्न १७ विद्यालयका ९० ब्वाइज र ५६ गल्र्स गरी जम्मा १ सय ४६ खेलाडीले विभिन्न ३३ स्पर्धामा प्रतिस्पर्धा गरेका थिए ।
September 18, 2024
काठमाडौं (हाम्रो खेलकुद)- नेपाल पौडी संघको आयोजनामा यसै महिना तेस्रो सातामा १२औं एनएसए कप पौडी प्रतियोगिता हुने भएको छ । सातदोबाटोस्थित अन्तर्राष्ट्रिय खेलकुद परिसरको आउटडोर पौडी पोखरीमा असोज १३ र १४ गतेप्रतियोगिता सञ्चालन हुने बुधवार आयोजित पत्रकार सम्मेलनमा जानकारी दिइयो। यो प्रतियोगिता २०३८ सालदेखि नियमित (कोभिड महामारी बेलाबाहेक) हुँदै आएको छ । प्रतियोगितामा विभिन्न विद्यालय, […]
September 5, 2024
काठमाडौं (हाम्रो खेलकुद)- अग्रवाल युवा मञ्चको आयोजनामा खेल महोत्सव शुक्रवार सुरु हुने भएको छ । मारवाडी समुदायका खेलाडीले मात्र भाग लिन पाउने महोत्सवमा विभिन्न ५ खेलमा प्रतिस्पर्धा हुनेछ बताइएको छ। महोत्सवमा क्रिकेट, फुटसल, टेबलटेनिस, ब्याडमिन्टन र पौडीमा प्रतिस्पर्धा हुने मञ्चका अध्यक्ष प्रवीण गर्गले बिहीवार आयोजित पत्रकार सम्मेलनमा जानकारी गराए । करिब ३ सय खेलाडीको सहभागिता […]
August 16, 2024
काठमाडौं (हाम्रो खेलकुद)- तेस्रो टुसाल विद्यालय स्तरीय पौडी प्रतियोगिताको अर्को साता आयोजना हुने भएको छ। टुसाल मल्टिभेन्यु प्रालिले शुक्रवार पत्रकार सम्मेलनमार्फत भदौ ८ गते आयोजना गर्ने जानकारी दिएको हो । तार्केश्वर–८ स्थित टुसाल मल्टिभेन्युको स्विमिङ पुलमा हुने मल्टिभेन्यूका महाप्रबन्धक प्रविन मान सिंह बस्नेतले बताए । प्रतियोगिता २५ मिटरको फ्री स्टाइल विधामा प्रतिस्पर्धा हुनेछ । प्रतियोगितामा जुनियर ब्वाइज, […]
