8 years ago
July 28, 2016
काठमाडौं – ओलम्पिक खेल्ने तयारीमा रहेका पौडी खेलाडी शीरिष गुरुङलाई भाटभटेनी मार्केटले एक बर्षका लागि आफ्नो ब्रान्ड एम्बसडर बनाएको छ । भाटभटिनीले शीरिषलाई मासिक १ लाख रुपैयाँमा सम्झौता गरेको हो ।
सम्झौता अनुसार शीरिषले राष्ट्रिय कीर्तिमान तोडेमा थप १० हजार रुपैयाँ पाउनेछन् । नेपाली खेलकुदमा सार्वजनिक रुपमा गरिएको सम्झौतामा यो सबैभन्दा ठूलो राशीको सम्झौता हो । शीरिष र भाटभटिनीका मालिक मिनबहादुर गुरुङले सम्झौता पत्रमा हस्ताक्षर गरेका थिए । शिरिषले अब भाटभटेनीको विज्ञापन खेल्नुपर्ने, भाटभटेनीको प्रवर्दन कार्यक्रममा सहभागि हुनुपर्ने, राष्ट्रिय तथा अन्तर्राष्ट्रिय प्रतियोगिता खेल्दा भाटभटेनीको पोशाक लगाउनुपर्नेछ ।
केहि दिनपछि ब्राजिलमा हुने रियो ओलम्पिकमा उनले १ सय मिटर फ्रिस्टायलमा भाग लिनेछन् । भाटभटेनीका गुरुङले शीरिषलाइ ओलम्पिकका लागि शुभकामना दिए । नेपाली खेलकुदमै सम्भवत कुनै खेलाडीले व्यक्तिगत रुपमा पाएको यो सबभन्दा ठूलो प्रायोजन हो । नेपाल पौडी संघका अध्यक्ष अशोक बज्राचार्यले कीर्तिमानी प्रायोजनका लागि भाटभटेनीलाई धन्यवाद दिँदै यसले शिरिषको मनोबल उच्च हुने विश्वास व्यक्त गरे ।
४५ पटक पौडीका राष्ट्रिय कीर्तिमान तोडिसकेका शीरिषको नाममा १५ वटा राष्ट्रिय कीर्तिमान छन् । नेपाल ओलम्पिक कमिटीका अध्यक्ष जीवनराम श्रेष्ठले सम्झौता नेपाली खेलकुदका लागि कोसेढुंगा साविक हुने चर्चा गरे ।
September 18, 2024
काठमाडौं (हाम्रो खेलकुद)- नेपाल पौडी संघको आयोजनामा यसै महिना तेस्रो सातामा १२औं एनएसए कप पौडी प्रतियोगिता हुने भएको छ । सातदोबाटोस्थित अन्तर्राष्ट्रिय खेलकुद परिसरको आउटडोर पौडी पोखरीमा असोज १३ र १४ गतेप्रतियोगिता सञ्चालन हुने बुधवार आयोजित पत्रकार सम्मेलनमा जानकारी दिइयो। यो प्रतियोगिता २०३८ सालदेखि नियमित (कोभिड महामारी बेलाबाहेक) हुँदै आएको छ । प्रतियोगितामा विभिन्न विद्यालय, […]
September 5, 2024
काठमाडौं (हाम्रो खेलकुद)- अग्रवाल युवा मञ्चको आयोजनामा खेल महोत्सव शुक्रवार सुरु हुने भएको छ । मारवाडी समुदायका खेलाडीले मात्र भाग लिन पाउने महोत्सवमा विभिन्न ५ खेलमा प्रतिस्पर्धा हुनेछ बताइएको छ। महोत्सवमा क्रिकेट, फुटसल, टेबलटेनिस, ब्याडमिन्टन र पौडीमा प्रतिस्पर्धा हुने मञ्चका अध्यक्ष प्रवीण गर्गले बिहीवार आयोजित पत्रकार सम्मेलनमा जानकारी गराए । करिब ३ सय खेलाडीको सहभागिता […]
August 16, 2024
काठमाडौं (हाम्रो खेलकुद)- तेस्रो टुसाल विद्यालय स्तरीय पौडी प्रतियोगिताको अर्को साता आयोजना हुने भएको छ। टुसाल मल्टिभेन्यु प्रालिले शुक्रवार पत्रकार सम्मेलनमार्फत भदौ ८ गते आयोजना गर्ने जानकारी दिएको हो । तार्केश्वर–८ स्थित टुसाल मल्टिभेन्युको स्विमिङ पुलमा हुने मल्टिभेन्यूका महाप्रबन्धक प्रविन मान सिंह बस्नेतले बताए । प्रतियोगिता २५ मिटरको फ्री स्टाइल विधामा प्रतिस्पर्धा हुनेछ । प्रतियोगितामा जुनियर ब्वाइज, […]
