2 days ago
July 3, 2024
हिमाल खरेल,बिर्तामोड
झापाको बिर्तामोडमा निर्माण भइरहेको अन्तर्राष्ट्रियस्तरको स्विमिङ पुलको काम आधा सकिएको छ ।
बिर्तामोडस्थित लिटल फ्लावर्स इङलिस स्कुलपरिसरमा निर्माण भइरहेको अप्सरादेवी स्विमिङ कम्प्लेक्स अबको तीन महिनाभित्र तयार हुने विद्यालयका प्रिन्सिपल विशाल क्षेत्रीले जानकारी दिए ।
२ करोड रुपैयाँको लागतमा बन्दै गरेको स्विमिङ पुलको निर्माण बैशाख ५ गतेदेखि सुरु भएको हो । विद्यालयका विद्यार्थीलाई पौडी प्रतियोगितामा अब्बल बनाउने उद्देश्यसाथ पुलको निर्माण गरिएको प्रिन्सिपल क्षेत्रीले बताए ।
‘ प्रत्येक वर्ष कम्तिमा दुईजना विद्यार्थी राष्ट्रिय खेलाडीको रुपमा उत्पादन गर्ने हाम्रो लक्ष्य हो,’प्रिन्सिपल क्षेत्रीले भने, त्यसकै लागि अन्तर्राष्ट्रिय मापदण्डको स्विमिङ पुल बनाइरहेका छौं।’
स्कुलमा रहेको दुईवटा स्विमिङ पुलमध्ये एउटा स्विमिङ पुल ओलम्पिक मापदण्डअनुसार निर्माण हुँदै गरेको प्रिन्सिपल क्षेत्रीले बताए । अर्को भने बालबालिकाको अनुकूलअनुसार निर्माण हुने उनले बताए ।
अन्तर्राष्ट्रिय मापदण्डको भने २५ मिटर लम्बाई र १५ मिटर चौडाईको रहनेछ भने बच्चाले खेल्ने स्विमिङ पुल भने १५ बाई १२ को रहनेछ ।
स्विमिङ पुल र अत्याधुनिक सुविधा सम्पन्न चेन्जिङ रुपलगायत बनेपछि झापामा राष्ट्रिय तथा अन्तर्राष्ट्रिय प्रतियोगिता गर्न उपयोगी हुने प्रिन्सिपल क्षेत्रीले बताए । स्विमिङ पुलमा एकपटकमा ५ जनाले प्रतिस्पर्धा गर्न सकिने स्कुलले जनाएको छ ।
झापाका खेलकुद अगुवा जलकुमार गुरुङले अभ्यास गर्ने ठाउँ नहुँदा खेलाडी उत्पादन नभइरहेको अवस्थामा अप्सरादेवी स्विमिङ कम्प्लेक्स बनेपछि उत्साह थप्ने बताए ।
June 30, 2024
काठमाडौं (हाम्रो खेलकुद)- पारा पौडी खेलाडी भीमबहादुर कुमालले फ्रान्समा हुने पेरिस २०२४ पारालिम्पिकमा पौडीमा प्रतिस्पर्धा गर्ने भएका छन् । विश्व पारा पौडीबाट ‘बिपरटाइट स्लोट्स’ प्राप्त भएसंगै भीमको पारालिम्पिक सहभागिता निश्चित भएको राष्ट्रिय पारा पौडी संघ नेपालका अध्यक्ष सरोज श्रेष्ठबाट जानकारी प्राप्त भएको राष्ट्रिय खेलकुद परिषद् (राखेप) ले बताएको छ। भीमले पुरुष ५० मिटर फ्रि स्टायलमा […]
May 18, 2024
काठमाडौं (हाम्रो खेलकुद) – पौडीका डुवाना लामा र एलेक्जेन्डर शाहले पेरिस ओलम्पिक २०२४ खेल्ने निश्चित भएको छ । नेपाल ओलम्पिक कमिटि (एनओसी) का महासचिव निलेन्द्र राज श्रेष्ठले पौडीका डुवाना र एलेक्जेन्डरले पेरिस ओलम्पिक २०२४ मा सहभागिता जनाउने निश्चित भएको जानकारी दिएका हुन् । डुवाना र एलेक्सजेन्डरले युनिभर्सियालिटी कोटामा ओलम्पिकमा भाग लिनेछन् । यस्तै पौडीका दुवाना […]
April 20, 2024
काठमाडौं (हाम्रो खेलकुद)– नेपाल पौडी संघको अध्यक्षमा जगतमान श्रेष्ठसहित २५ सदस्यीय कार्यसमिति शनिबार निर्विरोध निर्वाचित भएको छ । यसअघि झण्डै १२ वर्ष संघको महासचिव रहेका श्रेष्ठ अध्यक्ष चुनिएका हुन् । प्रदेश खेलकुद परिषद् लुम्बिनीका सदस्य सचिव जयप्रकाश भट्टराई वरिष्ठ उपाध्यक्ष तथा चित्रराज भट्ट, जुनाकुमारी कठायत, गंगालाल सिंगार उपाध्यक्ष चयन भएका छन् । पौडीका पूर्व मुख्य […]