2 years ago
October 16, 2022
पोखरा (हाम्रो खेलकुद)– त्रिभुवन आर्मी क्लबकी गौरिका सिंहले नवौं राष्ट्रिय खेलकुदमा पहिलो स्वर्ण पदक जितेकी छिन् । अस्वस्थताका कारण ४ वटा इभेन्ट छाडेकी गौरिकाले आइतबार १ सय मिटर ब्याकस्ट्रोकमा स्वर्ण पदक जितेकी हुन् । जारी पौडीमा उनले पूरा गरेको यो पहिलो इभेन्ट हो ।
पोखरास्थित फिस्टेल एकेडेमीको पौडी कोर्समा गौरिकाले १ मिनेट ५.५ सेकेन्डको समय निकाल्दै १ सय मिटर ब्याकस्ट्रोकमा स्वर्ण पदक जितेकी हुन् । यसमा ४ वटा स्वर्ण पदक जितिसकेकी एनआरएनएकी एस्ली सापकोटा डंगोलले रजत र आर्मीकी अनुषिया तन्डुकारले कास्य पदक जितेकी छिन् । एस्लीको समय १ मिनेट ८.७९ सेकेन्ड र अनुषियाको १ मिनेट १३.८ सेकेन्ड रहेको छ ।
गौरिका सम्मलित आर्मीको टोलीले ४ गुणा १ सय मिटर रिलेमा स्वर्ण पदक जितेको छ । गौरिका, डुवाना लामा, अनुषिया तन्डुकार र उपास्ती महर्जनको समूहले ४ मिनेट १९.४५ सेकेन्डको समय निकालेको थियो । तिसा महर्जन, श्रेनु महर्जन, जारिया महर्जन र रोशा न्यौपाने रहेको बागमतीले रजत तथा मेगन गुरुङ, समिरा शोभा थापा मगर, आर्या महर्जन र अदिप्सा वैद्य रहेको नेपाल पुलिस क्लबले कास्य पदक जित्यो ।
आइतबार गौरिकाले ८ सय मिटर फ्रि स्टाइल तथा २ सय फ्रिस्टाइल छाडेकी थिइन् । पेट दुखेर वान्ता भएपछि शनिबार १ सय मिटर फ्रि स्टाइलको फाइनल राउन्ड र २ सय मिटर ब्याक स्ट्रोकबाट उनले नाम फिर्ता लिएकी थिइन् । १ सय मिटर फ्रि स्टाइल र २ सय मिटर फ्रिस्टाइलको हिटमा भाग लिएर गौरिकाले फाइनल राउन्ड छाडेकी थिइन् ।
त्रिभुवन आर्मी क्लबबाट सहभागी भइरहेकी गौरिकाको ५० ब्याक स्ट्रोक, ४ गुणा २ सय ब्याकस्ट्रोक, ४ सय मिटर फ्रिस्टाइल, ५० मिटर फ्रिस्टाइल र ४ गुणा १ सय मिक्स्ड फ्रि स्टाइल खेल्न बाँकी छ । गौरिकाले तीन वर्ष अघि स्वदेशमा भएको १३ औं सागमा कीर्तिमान ४ स्वर्ण , २ रजत र ३ कास्यसहित ९ पदक जितेकी थिइन् ।
September 18, 2024
काठमाडौं (हाम्रो खेलकुद)- नेपाल पौडी संघको आयोजनामा यसै महिना तेस्रो सातामा १२औं एनएसए कप पौडी प्रतियोगिता हुने भएको छ । सातदोबाटोस्थित अन्तर्राष्ट्रिय खेलकुद परिसरको आउटडोर पौडी पोखरीमा असोज १३ र १४ गतेप्रतियोगिता सञ्चालन हुने बुधवार आयोजित पत्रकार सम्मेलनमा जानकारी दिइयो। यो प्रतियोगिता २०३८ सालदेखि नियमित (कोभिड महामारी बेलाबाहेक) हुँदै आएको छ । प्रतियोगितामा विभिन्न विद्यालय, […]
September 5, 2024
काठमाडौं (हाम्रो खेलकुद)- अग्रवाल युवा मञ्चको आयोजनामा खेल महोत्सव शुक्रवार सुरु हुने भएको छ । मारवाडी समुदायका खेलाडीले मात्र भाग लिन पाउने महोत्सवमा विभिन्न ५ खेलमा प्रतिस्पर्धा हुनेछ बताइएको छ। महोत्सवमा क्रिकेट, फुटसल, टेबलटेनिस, ब्याडमिन्टन र पौडीमा प्रतिस्पर्धा हुने मञ्चका अध्यक्ष प्रवीण गर्गले बिहीवार आयोजित पत्रकार सम्मेलनमा जानकारी गराए । करिब ३ सय खेलाडीको सहभागिता […]
August 16, 2024
काठमाडौं (हाम्रो खेलकुद)- तेस्रो टुसाल विद्यालय स्तरीय पौडी प्रतियोगिताको अर्को साता आयोजना हुने भएको छ। टुसाल मल्टिभेन्यु प्रालिले शुक्रवार पत्रकार सम्मेलनमार्फत भदौ ८ गते आयोजना गर्ने जानकारी दिएको हो । तार्केश्वर–८ स्थित टुसाल मल्टिभेन्युको स्विमिङ पुलमा हुने मल्टिभेन्यूका महाप्रबन्धक प्रविन मान सिंह बस्नेतले बताए । प्रतियोगिता २५ मिटरको फ्री स्टाइल विधामा प्रतिस्पर्धा हुनेछ । प्रतियोगितामा जुनियर ब्वाइज, […]
