काठमाडौं (हाम्रो खेलकुद)– एसियाली ब्याडमिन्टन महासंघ (एबिसी) को आयोजना म्यानमारमा हुने जुनियर ब्याडमिन्टन च्याम्पियनसिपमा भाग लिन नेपाली टोली आज त्यसतर्फ प्रस्थान गरेको छ ।

नेपाली ब्याडमिन्टन टोली म्यानमार प्रस्थान गर्नुअघि ।

असोज १८ देखि २२ गते सम्म आयोजना हुने च्याम्पियनसिपमा नेपालले यू १५ र यू १७ मा महिला र पुरुषमा गरि चार खेलाडीले प्रतिस्पर्धा गर्ने टोलीका मुख्य प्रशिक्षक सुदिप योञ्जनले जानकारी दिए । यू १५ पुरुषमा प्रफुल महर्जन र यू १७ पुरुषमा प्रिन्स दाहाल ले चुनौति पेश गर्नेछन् ।

त्यस्तै महिला यू १५ मा जेसिका गुरुङ र यू १७ मा रसिला महर्जनले प्रतिस्पर्धा गर्नेछिन् । समिर बहादुर सिंहको नेतृत्वमा रहेको नेपाली टोलीको व्यवस्थापकमा रवि महर्जन गरेका छन् । नेपाल ब्याडमिन्टन संघका अध्यक्ष रामजी बहादुर श्रेष्ठ टोलीलाई आज विदाई गरे ।