5 years ago
September 14, 2020
एजेन्सी – तेस्रो वरीयताका अष्ट्रेलियन डोमिनिक थिएम युएस ओपन टेनिसको च्याम्पियन बनेका छन् । पहिलोपटक ग्रान्डस्लाम च्याम्पियन बन्ने क्रममा थिएमले जर्मन खेलाडी एलेक्सान्डर भेरेभलाई ३–२ को सेटमा पराजित गर्दै उपाधि जितेका हुन् ।
थिएमले सुरुवाती दुई सेटमा पछि परेपनि उत्कृष्ट पूनरागमन गर्दै पहिलो ग्रान्डस्लाम उपाधि जित्न सफल भएका हुन् । थिएम सन् २००४ को फ्रेन्च ओपनमा अर्जेन्टिनी गेस्टन गाडियापछि दुई सेट गुमाएर फाईनल जित्ने पहिलो खेलाडी बनेका छन् ।
यस्तै थिएम विश्व टेनिसमा ६ वर्षपछि नयाँ च्याम्पियन खेलाडी बने । पछिल्लो ६ वर्ष सर्वियन नोभाक जोकोभिच, स्पेनिस राफयल नाडाल, स्वीस रोजर फेडेरर र बेलायती एन्डी मर्रेले कुनै न कुनै ग्रान्डस्लामको च्याम्पियन बन्दै आएका थिए ।
अमेरिकाको न्युयोर्कमा सोमबार बिहान भएको फाइनलमा थिएमले पहिलो र दोस्रो सेट २–६ र ४–६ ले गुमाएको थियो । तर, त्यसपछि पूनरागमन गरेका थिएमले तेस्रो सेट ६–४ ले जित्दै खेलमा फर्कने संकेत दिए । चौथो सेट थिएमले ६–३ ले आफ्नो पक्षमा पार्दै खेललाई २–२ सेटको बराबरीमा ल्याए । निकै नै प्रतिस्पर्धात्मक बनेको पाँचौ तथा निर्णायक सेटमा थिएम ७–६ (८–६) को जित निकाल्दै च्याम्पियन बन्न सफल भए ।
थिएम यसअघि एकपटक अष्ट्रेलियन ओपन र दुईपटक फ्रेन्च ओपनको फाइनलमा पुगेर चुकेका थिए । अष्ट्रेलियन ओपनमा नोभाक जोकोभिचसँग पराजित भएका थिएन अष्ट्रेलियन ओपनमा दुवै पटक राफायल नाडालसँग पराजित भएका थिए । तर यसपटक थिएम चुकेनन् ।
सातौ वरीयताका भेरेभ पहिलोपटक ग्रान्डस्लामको फाइनलमा प्रवेश गरेर सुरुवाती दुई सेट जितेर पनि सोही प्रदर्शनलाई निरन्तरता दिन नसक्दा च्याम्पियन बन्न असमर्थ रहे ।
March 31, 2025
काठमाडौं (हाम्रो खेलकुद)- विश्व स्क्वास वरीयतामा पाँचौं स्थानमा रहिसकेका बोर्खा गोलानले नेपाली खेलाडीलाई प्रशिक्षण दिने भएका छन् । नेपाल स्क्वास एन्ड र्याकेट्स संघले सोमवार एक कार्यक्रमको आयोजना गर्दै स्पेनका लेभल थ्री प्रशिक्षक गोलानलाई स्वागत गरेको छ । गोलानले एक हप्ता नेपाली स्क्वास खेलाडीलाई प्रशिक्षण दिने बताइएको छ । सन् २०१४ मा गोलान विश्व स्क्वास वरीयतामा […]
March 20, 2025
सुमन अधिकारी, बुटवल बुटवल ब्याडमिन्टन क्लबको आयोजनामा तेस्रो राष्ट्रिय ब्याडमिन्टन प्रतियोगिता बिहीवार सुरु भएको छ । ३ दिनसम्म चल्ने प्रतियोगितामा विभागीय टोलीसँगै एक सय टिमका करिब २ सय खेलाडीको सहभागिता रहेको क्लबका सचिव भानु केसीले जानकारी दिए । प्रतियोगिताको पहिलो दिन मेन्स डबल्स र भेट्रानका केहि खेल भएका छन् । शुक्रवार मेन्स तथा वुमन्स सिंगलका […]
March 1, 2025
काठमाडौं (हाम्रो खेलकुद)- ग्लोबल टेबलटेनिस एकेडेमीका अर्नव चन्द्र र आयोजक ललितपुर टेबलटेनिस क्लबकी आरती चौधरीले सातौं सम्झना कप अन्तर्राष्ट्रिय टेबल टेनिस प्रतियोगितामा सिंगल्स उपाधि जितेका छन् । लैनचौरस्थित राष्ट्रिय टेबलटेनिस प्रशिक्षण केन्द्रमा भएको शनिवार भएको पुरुष फाइनलमा अर्नवले टिस्टा टोर्सा टेबलटेनिस एकेडेमीका शिर्ष रोय पत्वारीलाई ७–११, ११–७, ११–४ र ११–५ को सेटमा पराजित गरे । […]