5 years ago
February 25, 2020
काठमाडौं (हाम्रो खेलकुद) – नेपाली ब्याडमिन्टनका युवा स्टार प्रिन्स दाहाल दुई जुनियर इन्टरनेसनल च्याम्पियनसिप खेल्नका लागि मंगलबार युरोप प्रस्थान गरेका छन् । उनले नेदरल्यान्डमा डच जुनियर इन्टरनेसनल २०२० र त्यसपछि जर्मन जुनियर इन्टरनेसनल सिरिज खेल्नेछन् ।
प्रिन्ससँगै टिम म्यानेजरमा सुवास श्रेष्ठ र कमलेस निरौला जानेछन् । र्याङकिङका आधारमा उनले दुई जुनियर इन्टरनेसनल सिरिज खेल्ने मौका पाएको उनका मामा तथा प्रशिक्षक कमलेस निरौलाले हाम्रो खेलकुदलाई जानकारी गराए ।
यससँगै प्रिन्स युरोपियन राष्ट्रमा गएर बिडब्लुएफको प्रतियोगिता खेल्ने पहिलो नेपाली जुनियर खेलाडी बन्नेछन् ।
प्रिन्स विश्व ब्याडमिन्टन महासंघ (बिडब्लुएफ) को जुनियर वरियतामा ११औं स्थानमा रहेका छन् । दुवई जुनियर सिरिजका विजेता प्रिन्सले यि दुई सिरिजमा सातौ वरीयता पाएका छन् ।
डच जुनियर सिरिज २६ देखि १ मार्चसम्म हुनेछ । त्यसपछि उनी ४ देखि ८ मार्चसम्म हुने जर्मन जुनियर इन्टरनेसनलका लागि जर्मनी प्रस्थान गर्नेछन् । उनलाई काठमाडौं जिल्ला ब्याडमिन्टन संघका अध्यक्ष दीपक थापा, वरिष्ठ अन्तर्राष्ट्रिय अम्पायर उदय अर्याललगायतले बिदाई गरे ।
नेपाली टोली यात्राका क्रममा रहेकाले नेदरल्याण्डको हार्लिम शहरमा हुने सिरिजको म्यानेजर्स मिटिङमा भर्खरै नेदरल्यान्ड ब्याडमिन्टन एसोसिएसनबाट डच राष्ट्रिय ब्याडमिन्टन अम्पायरको मान्यता प्राप्त नेपाली युवा अम्पायर अभिलास अर्यालले नेपालको प्रतिनिधित्व गर्नेछन् ।
February 23, 2025
काठमाडौं (हाम्रो खेलकुद)- ब्याडमिन्टन एसियाका सिनियर अम्पायर दीपक थापाले फागुन १३ देखि १८ गते सम्म हुने श्रीलंका इन्टरनेसनल ब्याडमिन्टन च्यालेन्जको अम्पारिङ गर्ने भएका छन् । रियो ओलम्पिक २०१६ मा लाइन जजको भूमिका निर्वाह गरेका थापा काठमाडौं जिल्ला ब्याडमिन्टन संघका अध्यक्ष पनि हुन्। थापा इभेन्ट म्यानेजमेन्ट कम्पनी माइसका प्रबन्ध निर्देशक हुन्।
February 21, 2025
सुमन अधिकारी, बुटवल शीर्ष वरियताका प्रदीप खड्काले तेस्रो मेयर कप तथा सातौं बुटवल खुल्ला लन टेनिस प्रतियोगिताको उपाधिमा ह्याट्रिक गरेका छन् । प्रदीप बुटवल खुल्ला लन टेनिसमा पहिलोदेखि तेस्रो संस्करणमा लगातार च्याम्पियन बन्दै ह्याट्रिक गरेका हुन् । शुक्रवार भएको फाइनलमा रितिक रानालाई २-१ ले हराउँदै प्रदीपले उपाधि जितेका हुन् । उपाधि रक्षा गर्ने क्रममा प्रदीपले […]
February 20, 2025
सुमन अधिकारी, बुटवल सातौं बुटवल खुल्ला लन टेनिस प्रतियोगिताको मेन्स सिंगलको फाइनलमा नेपालका नम्बर वनका प्रदिप खड्का र बुटवलका रितिक रानाबिच प्रतिष्पर्धा हुने भएको छ । प्रदिप र रितिकबिच यो चौथौ फाइनल भिडन्त हो । यसअघि काठमाण्डौमा गणेशमान ओपन टेनिस, सिटिजन ओपन टेनिस र पोखरामा माछापुच्छ्रेको फाइनल खेलेका थिए। पहिलो सेमिफाइनलमा प्रदिपले निहाल जेवी थापालाई […]
