एजेन्सी । अष्ट्रेलियाकी पुर्व क्रिकेटर एसीलेइग बार्टीले फ्रेन्च ओपन टेनिसको महिलातर्फको उपाधि जितेकी छिन् । शनिबार भएको फाइनलमा चेक रिपब्लिककी मार्केटा भोनड्रोउसोभालाई २–० को सोझो सेटमा पराजित गर्दै बार्टीले उपाधि जितेकी हुन् ।

बार्टीले आफ्नो खेल करियरको शुरुवात लन टेनिसबाट गरेपनि उनी क्रिकेटमा लागेकी थिइन् । २३ बर्षीय बार्टीले १७ महिना अघि क्रिकेट त्याग्दै टेनिसमा फर्किएकी थिइन् । टेनिसमा फर्किए लगत्तै उनले ग्रान्डस्लाम उपाधि जित्न सफल भएकी हुन् ।

पेरिसमा भएको फाइनलमा आठौं वरियताकी बार्टीले भोनड्रोउसोभालाई ६–१ र ६–३ को सोझो सेटमा पराजित गरिन् । बार्टीको यो पहिलो ग्रान्डस्लाम उपाधि हो ।

यससँगै बार्टी सन् १९७३ पछि फ्रेन्च ओपन जित्ने पहिलो अष्ट्रेलियन महिला खेलाडी बनिन् । च्याम्पियनबनेसँगै बार्टी दोस्रो वरीयतामा उक्लिदा भोनड्रोउसोभा १६औं वरीयतामा झरेकी छन् ।

पुरुषतर्फको उपाधिका लागि दोस्रो वरीयताका स्पेनिस राफायल नाडाल र चौथो वरीयताका अष्ट्रेलियन डोमिनिक थेइमबीच प्रतिस्पर्धा हुनेछ । अघिल्लो वर्ष पनि यि दुईले नै फाइनलमा प्रतिस्पर्धा गरेका थिए । जसमा नाडालले बाजी मारेको थियो ।

थेइमले शीर्ष वरीयताका सर्वियन नोभाका जोकोभिचलाई ३–२ को कठिन सेटमा पराजित गर्दै फाइनलमा भेट पक्का गरे । पहिलो सेट थेइमले ६–२, ३–६, ७–५, ५–७ र ७–५ ले पराजित गर्दै फाइनलमा पुग्न सफल भए । फाइनल आज हुदैछ ।