दाङ (हाम्रो खेलकुद)– ब्याडमिन्टनका शीर्ष वरियताका त्रिभुवन आर्मी क्लबका रत्नजित तामाङ आठौं राष्ट्रिय खेलकुद अन्तर्गत पुरुष एकलको क्वार्टरफाइनलमा पुगेका छन् । एपिएफका दीपेश धानी र सुदूरपश्चिमाञ्चलका प्रिन्स दाहाल पनि प्रतियोगिताको अन्तिम आठमा पुग्न सफल भएका छन् ।

४० औं राष्ट्रिय ब्याडमिन्टनका रुपमा रहेको प्रतियोगितामा रत्नले एपिएफका गौतम कठायतलाई २१– ७, २१ – ९ ले हराए । दीपेशले सुदूरपश्चिमका देवराज शर्मालाई २१ –१३, २१–१२ ले पराजित गरे । प्रिन्सले पुलिसका बिष्णु कटुवाललाई २१–२३, २१–१०, २१–१० ले हराउँदै अघि बढेका हुन् ।

आर्मीका नविन श्रेष्ठ,प्रफुल महर्जन, पुलिसका जीवन आचार्य र दीपक बोहोरा तथा प्रदेश १ का विकास श्रेष्ठ पनि अन्तिम आठ प्रवेश गरे । नविनले एपिएफका विजित थापा मगरलाई २२ –२०, २१–८ ले हराए ।

प्रफुलले एपिएफकै साजन कृष्ण ताम्राकारलाई १३ – २१, २१– १८, २१ –१२ ले हराए । पन्छाए । जीवनले आर्मीका विशाल खड्कालाई २१–१०, २१–१४, दीपकले आर्मीका रुकेश महर्जनलाई १४ – २१, २१–१७, २१–१५ र बिकासले पुलिसका सुनिल जोशीलाई २१–११, २१–११ ले हराए ।

घोराहीस्थित कभर्डहलमा भएको प्रतियोगिताको महिला एकल तर्फ आर्मीका चार खेलाडी नङशल देवी तामाङ, रशिला महर्जन, रञ्जना भट्ट र अनुमाया राई अन्तिम आठमा पुगेका छन् ।

नङशलले प्रदेश ५ की संझना शर्मालाई २१–६, २१–१२, रसिलाले आर्मीकै लोक्तमा राईलाई २१–६, २१–७ ले, रञ्जनाले एपिएफकी सुनैना मुखियालाई २१–१७, २१–११ ले र अनुमायाले सुदूरपश्चिमकी प्रशुना खत्रीलाई २१– ३, २१–९ ले हराइन् ।

एपिएफकी जेशिका गुरुङ र शोभा गौचन तथा प्रदेश १ का सिता राई र सिमा राजबंशी े पनि अन्तिम आठा यात्रा तय गरे । जेशिकाले कर्णाली प्रदेशकी अग्रीमा भण्डारीलाई २१–१, २१–१३ ले र शोभाले प्रदेश १ की निता लम्साललाई २१–१९, २१–५ ले पराजित गरिन् । सिताले प्रदेश ३ की सफी खत्रीलाई २१–८, २१–१३ ले तथा सिमाले गण्डकीकी पुनम गुरुङलाई २१ –१८, २१–१५ ले हराइन् ।