एजेन्सी – शीर्ष वरीयताका सर्वियन नोभाक जोकोभिच अष्ट्रेलियन ओपन टेनिसको सेमिफाइनलमा प्रवेश गरेका छन् ।

क्वाटरफाइनलमा नवौ वरीयताका जापनिज केइ निशिकोरीबाट वाक ओभर पाएपछि जोकोभिच अन्तिम चारमा पुग्न सफल भएको हो । जोकोभिचले पहिलो सेट ६–१ र दोस्रो सेट ४–१ ले आफ्नो पक्षमा पारिसकेको अवस्थामा चोटका कारण निशिकोरीले रिटायर लिएको हो ।
उनलाई मेडिकल टोलीले परिक्षण गरेपनि समयसीमा भन्दा बढी भएका कारण रिटायर दिनुपरेको थियो ।
शीर्ष वरीयताका जोकोभिचले अब फाइनल प्रवेशका लागि फ्रान्सका लुकास पोउलीसँग प्रतिस्पर्धा गर्नेछ । लुकासले क्यानडाका मिलोस राओनिकलाई ३–१ को सेटमा पराजित गर्दै अन्तिम चारमा स्थान बनाउन सफल भएको थियो ।
यस्तै अर्काे सेमिफाइनलमा दोस्रो वरीयताका स्पेनिस राफयल नाडालले ग्रीकका स्टेफानोस सिट्सीपासको सामना गर्नेछ । नाडालले अमेरिकन फ्रान्सिस टियाफोइलाई तथा स्टेफानोसले स्पेनका रोवर्टाे बाउटिस्टासँग खेल्नेछ ।

महिलातर्फ चौथो वरीयताका जापनिज नाओमी ओसाकाले युक्रेनकी इलिना भिटोलिनालाई २–० को सोझो सेटमा पराजित गर्दै सेमिफाइनलमा स्थान बनाएकी छन् ।
चेक रिपब्लिककी क्यारोलिना पिलिस्कोभाले अमेरिकी सेरेना विलियम्सलाई २–१ को सेटमा पराजित गर्दै अन्तिम चारमा स्थान बनाएकी छन् । ओसाका र क्यारोलिना बीच सेमिफाइनलमा खेल हुनेछ । अर्काे सेमिफाइनलमा चेक रिपब्लिककी पेट्रा केभीटोभा र ड्यानिली रोस कोलिन्सबीच खेल हुनेछ ।