6 years ago
September 3, 2018
न्यु योर्क (एजेन्सी) –विश्व नम्बर एक स्पेनिस राफेल नाडाल युएस ओपन टेनिसको क्वाटरफाइनलमा प्रवेश गरेका छन् । डिफेन्डिङ च्याम्पियन नाडालले जर्जियाका निकोलोज बासिलासभिलीलाई ३–१ को सेटमा पराजित गर्दै अन्तिम आठमा पुग्न सफल भएको हो ।
न्युयोर्कस्थित अर्थर असे टेनिस कोर्टमा आइतबार राति भएको खेलमा ३२ वर्षीय नाडालले निकोलोजमाथि ६–३, ६–३, ६–७ र ६–४ को जित निकालेको हो ।
१७ पटकको ग्रान्डस्लाम च्याम्पियन नाडालले अब क्वाटरफाइनलमा अष्ट्रियाका डोमिनिक थिमसँग प्रतिस्पर्धा खेल्नेछ । थिमले दक्षिण अफ्रिकाका केभिन एन्डरसनलाई ३–० को सोझो सेटमा पराजित गरेको थियो । पुरुष तर्फ नै जोन इस्नरले राओनिकमाथि ३–२ को कठिन जित निकाल्दै अन्तिम आठमा स्थान सुरक्षित गरेको छ ।
महिलातर्फको खेलमा सेरेना विलियम्स क्वाटरफाइनलमा पुग्न सफल भएकी छन् । १७औं वरीयताकी अमेरिकी सेरेनाले इस्टोनियाकी काया कानेपीमाथि २–१ को जित निकाल्दै अन्तिम आठमा स्थान बनाएकी हुन् ।
December 16, 2024
काठमाडौं (हाम्रो खेलकुद)- भारत र कतारमा हुने अलग अलग प्रशिक्षण र प्रतियोगितामा भाग लिने खेलाडीलाई सोमवार बिदाइ गरिएको छ। पुस १६ गते भारतको त्रिपुरामा हुने इन्डो नेपाल प्रो मुवाँथाईमा संजय राई, पेम्बा छिरिङ तामाङ, निरज नगरकोटी, सुमित्रा नागरकोटी ,रीना माझीले प्रतिस्पर्धा गर्नेछन्। टोलीको प्रशिक्षकमा महेश केसी छन् । त्यस्तै कतार दोहामा मंगलवार सुरु हुने सेपिङ […]
November 25, 2024
काठमाडौं (हाम्रो खेलकुद)- डेविस कपको अघिल्लो चरणमा बढुवा भएको नेपाली पुरुष टेनिस टोलीलाई सोमवार सम्मान गरिएको छ । नेपाल टेनिस संघले टोलीलाई सम्मान गरेको हो। टेनिस संघकी अध्यक्ष ज्योति राणा, महासचिव मनोहरदास मुल र सदस्य निरेश श्रेष्ठले टोलीलाई सातदोबाटोमा आयोजित एक कार्यक्रमबीच सम्मान गरे । नोभेम्बर १८ देखि २३ तारिखसम्म बहराइनको मानामामा भएको डेविस कप […]
November 16, 2024
काठमाडौं (हाम्रो खेलकुद)– राजवीर प्रधान र शिभाली गुरुङ होटल मिस्टिक माउन्टेन ग्रान्ड खुला जेटिआई जुनियर टेनिस प्रतियोगिताको यु–१६ सिंगल्सको उपाधि जितेका छन् । राजवीर ब्वाइज तथा शिभाली गल्र्समा विजयी भएका हुन् । सातदोबाटोस्थित टेनिस कोर्टमा शनिवार भएको फाइनलमा राजवीरले वृजेश अर्याललाई ६–२ र ६–० को सोझो सेटमा पराजित गरे । गल्र्सको फाइनलमा शिभालीले स्वस्तिका विष्टलाई […]
