काठमाडौं (हाम्रो खेलकुद) – नेपाल च्याम्पियन अरहान्त केशर सिंह र रत्नकाजी शाक्य तेस्रो धनलक्ष्मी महर्जन मेमोरियल राष्ट्रिय स्क्वास च्याम्पियनसपको दोस्रो चरणमा प्रवेश गरेका छन् ।

सातदोबाटोस्थित स्क्वास कोर्टमा मंगलबार भएको पुरुष खुल्ला एकलतर्फको खेलमा नेपाल च्याम्पियन अरहान्त केशर सिंहले सुर्जनराज श्रेष्ठलाई ३–० ले पराजित गर्दै दोस्रो चरणमा प्रवेश गरेका हुन् । पुरुष खुल्ला एकलतर्फ रत्नकाजी शाक्यले अमिर ब्लोनलाई ३–१ को सेटमा पराजित गर्दै दोस्रो चरणमा स्थान बनाएका हुन् ।

ज्ञानु चौधरीले शैलेस अमात्यलाई ३–० ले तथा प्रवेश कंशकारले शम्भु तण्डुकारलाई ३–० ले पराजित गर्दै दास्रो चरणमा स्थान बनाए । यस्तै एरिक लाटोर्रेले स्टिभ फ्रान्सिसलाई ३–२ को प्रतिस्पर्धात्मक सेटमा पराजित गर्दै दोस्रो चरणमा स्थान सुरक्षित गरे । काशिराम भण्डारी, राजेन्द्र शाक्य, रोबिन शाक्यले आ–आफ्ना प्रतिद्धन्द्धी लाई पराजित गरी दोस्रो चरणमा स्थान बनाए ।

पुरुष मास्टर खुल्ला ५० बर्षमाथि सुरेश गुरुङ र रुपेश दास ताम्राकारले दोस्रो चरणमा स्थान पक्का गरे । सुरेशले किरण श्रेष्ठलाई ३– ० ले हराए । यस्तै रुपकले कमल शाक्यलाई ३–१ ले हराए । पुरुष मास्टरतर्फ नै अनिल बजाचार्य, मित्रलाल गुरु, निशान्त अग्रवाल, मनोज बहादुर श्रेष्ठ र मधुभन मास्केले दोस्रो चरणमा स्थान बनाए ।

नेपाल स्क्वास राकेट्स संघले आयोजना गरेको प्रतियोगितामा पुरुष खुल्ला, महिला खुल्ला, मास्टर खुल्ला पुरुष ५० बर्ष भन्दा माथि, जुनियर ब्वाईज अन्डर १९, जुनियर ब्वाईज अन्डर १५, जुनियर गल्र्स अन्डर १५ तथा प्लेट गरी ७ विधामा प्रतिस्पर्धा भईरहेको छ ।