9 years ago
December 18, 2015
एपिएफका विजित थापामगर र पाइन्द्र महता तथा आर्मीका नवीन श्रेष्ठ तेस्रो गंगाटा खुला राष्ट्रिय ब्याडमिन्टन प्रतियोगिताअन्तर्गत पुरुष एकलको दोस्रो चरण पुगेका छन् ।
अन्नपूर्ण ब्याडमिन्टन एकेडेमीमा बिहीबार सुरु भएको प्रतियोगितामा विजितले कलंकीका अमर लावतीलाई २१–६,२१–१२ ले, इन्द्रले धुम्वाराहीका ग्याल्जेन शेर्पालाई २१–१०, २१–५ ले हराए ।
नजिकिदै गरेको दक्षिण एसियाली खेलकुद (साग) को तयारीलाई समेत मध्यनजर गर्दै आयोजित पुरुष एकलमा नवीनले सामाखुशीका सुगन थापालाई २१–११,२१–८ ले पराजित गरे । नेपाल ब्याडमिन्टन संघको वरियताक्रमको शीर्ष १६ मा रहेका खेलाडीले प्रतिस्पर्धा गर्ने पुरुष एकलको विजेताले ५० र उपविजेताले २५ हजार रुपैयाँ प्राप्त गर्नेछन् ।
प्रतियोगिताको पुरुष युगलको प्रतिस्पर्धामा बिबिसीका गणेश रायमाझी र विश्वास नेपाल, एपिएफका जोसेफ अधिकारी र सुमन लिम्बु, एपिएफकै महेन्द्र ढकाल र सुरेन्द्र बुढाथोकी, कास्कीका खेमबहादुर केसी र सानबहादुर आलेको जोडी विजयी हुँदै अघिल्लो चरण पुगेका छन् । विजेता जोडीले एक लाख रुपैयाँ प्राप्त गर्ने उक्त इभेन्टमा गणेश र विश्वासको जोडीले बुर्तिबाङका राजकुमार श्रेष्ठ र यामु पौवीको जोडीलाई २१–१६,२१–१५ ले, जोसेफ र सुमनको जोडीले बिबिसीका ग्याल्जेन शेपर्मा र नीरज शाक्यलाई २१–१८,२१–१७ ले पराजित ग¥यो । त्यस्तै महेन्द्र र सुरेन्द्रको जोडीले आयोजक गंगटा युवा क्लबका रोमान बानिया र रेशम पुनको जोडीलाई २१–१४,२१–१७ ले, खेम र सानको जोडीले भक्तपुरका सन्तोष श्रेष्ठ र सालिग्राम गौतमको जोडीलाई २१–१६,२१–१३ ले हरायो । भेट्रान्स (४५ बर्ष माथि) को खेलमा धादिङका बद्री श्रेष्ठ र दुर्गा ठकुरीले लतिलपुरका सुनिल शाक्य र राजु थापाको जोडीलाई १७–२१,२१–१४,२१–१९ ले हरायो ।
जुनियर एकलतर्फ स्काइलार्कका पुजन खरेल,नेपाल पुलिसका निश्चल बुढाथोकी र काठमाडौका रोशन पोखरेलले दाहोरो जित हासिल गरे । पुजनले स्काइलार्कका विवेक खड्कालाई २१–४,२१–२ र पुलिसका अनिश श्रेष्ठलाई २१–१८,१६–२१,२१–१६ ले हराए । निश्चलले हिमालयन एकेडेमीका आशिष मण्डललाई २१–६,२१–६ ले र हिम्सका हृदयन्द्र आचार्यलाई २१–७,२१–२ ले पराजित गरे । त्यस्तै रोशनले हिमालयनका उत्सव जिसीलाई १९–२१,२१–३,२१–७ ले पाखा लगाए । जुनियरकै अन्य खेलमा स्काइलार्कका आर्यन ढुंगेल र पुलिसका एलिसले एक एक खेल जितेका छन् ।
मिश्रित युगलतर्फ गंगाटाका वीरेन्द्र थापा र दिना पुनको जोडी, पोखरा विशाल खड्का र यामकुमारी गुरुङ, आर्मीका सुरज महर्जन र अमिता गुरुङ, दीपेश धामी र नङ्सला तामाङ तथा पुलिस विष्णु कटुवाल मनुषा राईको जोडी विजयी हुँदै अघिल्लो चरण पुगेको छ । ५ इभेन्ट्स समावेश गरिएको सर्वाधिक ५ लाख ५० हजार रुपैयाँ पुरस्कार राशीको प्रतियोगिताको उद्घाटन राष्ट्रिय खेलकुद परिषद् सदस्य सचिव केशवकुमार विष्टले गरेका थिए ।
March 20, 2025
सुमन अधिकारी, बुटवल बुटवल ब्याडमिन्टन क्लबको आयोजनामा तेस्रो राष्ट्रिय ब्याडमिन्टन प्रतियोगिता बिहीवार सुरु भएको छ । ३ दिनसम्म चल्ने प्रतियोगितामा विभागीय टोलीसँगै एक सय टिमका करिब २ सय खेलाडीको सहभागिता रहेको क्लबका सचिव भानु केसीले जानकारी दिए । प्रतियोगिताको पहिलो दिन मेन्स डबल्स र भेट्रानका केहि खेल भएका छन् । शुक्रवार मेन्स तथा वुमन्स सिंगलका […]
March 1, 2025
काठमाडौं (हाम्रो खेलकुद)- ग्लोबल टेबलटेनिस एकेडेमीका अर्नव चन्द्र र आयोजक ललितपुर टेबलटेनिस क्लबकी आरती चौधरीले सातौं सम्झना कप अन्तर्राष्ट्रिय टेबल टेनिस प्रतियोगितामा सिंगल्स उपाधि जितेका छन् । लैनचौरस्थित राष्ट्रिय टेबलटेनिस प्रशिक्षण केन्द्रमा भएको शनिवार भएको पुरुष फाइनलमा अर्नवले टिस्टा टोर्सा टेबलटेनिस एकेडेमीका शिर्ष रोय पत्वारीलाई ७–११, ११–७, ११–४ र ११–५ को सेटमा पराजित गरे । […]
February 25, 2025
सुमन अधिकारी ,बुटवल रुपन्देहीमा अर्को महिना राष्ट्रियस्तरको ब्याडमिन्टन प्रतियोगिता हुने भएको छ । बुटवल ब्याडमिन्टन क्लबको आयोजनामा चैत ७ देखि ९ गतेसम्म तेस्रो राष्ट्रिय ब्याडमिन्टन प्रतियोगिता हुन लागेको हो । क्लबले सोमवार बुटवलमा पत्रकार सम्मेलन गर्दै प्रतियोगिताको तयारीका बारेमा जानकारी गराएको हो । प्रतियोगितामा मेन्स सिंगल, उमन्स सिंगल, मेन्स डबल्स, भेट्रान्स ४५ प्लस, भेट्रान्स ५५ […]