काठमाडौं (हाम्रो खेलकुद)- भारत र कतारमा हुने अलग अलग प्रशिक्षण र प्रतियोगितामा भाग लिने खेलाडीलाई सोमवार बिदाइ गरिएको छ।

पुस १६ गते भारतको त्रिपुरामा हुने इन्डो नेपाल प्रो मुवाँथाईमा संजय राई, पेम्बा छिरिङ तामाङ, निरज नगरकोटी, सुमित्रा नागरकोटी ,रीना माझीले प्रतिस्पर्धा गर्नेछन्। टोलीको प्रशिक्षकमा महेश केसी छन् ।

त्यस्तै कतार दोहामा मंगलवार सुरु हुने सेपिङ फ्युचर स्टार्स एसियन टेबलटेनिस युनियन एकेडेमी कार्यक्रममा पामिला जोशी र वचन विष्टले भाग लिनेछन्।खेलाडीलाई बागमती प्रदेशका‌ युवा तथा खेलकुदमन्त्री मीनकृष्ण महर्जनले सोमवार बिदाइ गरे ।

ललितपुर जिल्ला खेलकुद विकास समितिले आयोजना गरेको बिदाइ कार्यक्रममा राष्ट्रिय तथा अन्तर्राष्ट्रिय खेलाडी संघ अध्यक्ष दीपक श्रेष्ठ, बागमती प्रदेश खेलकुद बिकास परिषद् सदस्य रवि महर्जन, ललितपुर जिल्ला खेलकुद विकास समितिका अध्यक्ष विनोद महर्जन, सदस्य सागर चित्रकार, नेपाल मुवाँथाई संघ अध्यक्ष गणेश कक्षपतिको उपस्थिति थियो।

त्यस्तै नेपाल सोतोकान कराते प्रमुख निवास गोपाल वैद्य, नेपाल सो-क्योकुशिन कराते प्रमुख राजकुमार श्रेष्ठ, ललितपुर कराते संघ अध्यक्ष दयाराम महर्जन, बक्सिङ प्रशिक्षक सुवर्ण सापकोटा, ललितपुर टेबल टेनिस संघ अध्यक्ष आशिष अवाले, फुलकन्ट्याक्ट कराते प्रशिक्षक सन्तोष घलान, सम्झना ल्याब प्रमुख उर्दीप जोशी, ललितपुर टेबल टेनिस संघ सदस्य रजना जोशीलगायतको उपस्थिति थियो।