काठमाडौं (हाम्रो खेलकुद)- अग्रवाल युवा मञ्चले आयोजना गरेको खेल महोत्सव अन्तर्गत क्रिकेटमा काठमाडौं नाइट्स च्याम्पियन बनेको छ।

गोल डिगर्सले‌ फुटसलको उपाधि जितेको छ। फुटसलको फाइनलमा गोल डिगर्सले बुल्स एफसीलाई हराएको थियो ।

अमन अग्रवाल उत्कृष्ट खेलाडी, केतन भिमसरिया उत्कृष्ट गोलरक्षक तथा ७ गोल गरेका ऋतिक अग्रवाल सर्वाधिक गोलकर्ता बने ।

धन्यन्तरी स्पोर्ट्स हबमा शनिवार भएको क्रिकेटको फाइनलमा स्र्पाटन् लाई हराउँदै काठमाडौं नाइट्सले उपाधि जितेको हो।

स्र्पाटन्सबाट ११ विकेट लिनुका साथै १ सय ७१ रन बनाएका अमन जैन ‘प्लेयर अफ दि टुर्नामेन्ट’ का साथै उत्कृष्ट बलर घोषित भए । राइडर्सका १ सय ५८ रन जोडेका आशुतोष घिरैया उत्कृष्ट ब्याटर घोषित भए ।

पौडीको यु-१५ ब्वाइजमा कौतिक शर्मा र गल्र्समा आहाना गोयल तथा यु–१० ब्वाइजमा लक्ष्य शर्मा र गल्र्समा खायान्ना गडियाले स्वर्ण पदक जिते ।

ब्याडमिन्टनको महिला सिंगल्समा शिभाङ्गी, पुरुष सिंगल्समा राजीव पोधार तथा पुरुष डबल्समा विवेक अग्रवाल र रोहित अग्रवालको जोडी विजयी भयो ।

टेबलटेनिसको यु-१५ ब्वाइज सिंगल्समा वैभव जैन, १५ वर्षमाथि ब्वाइज सिंगल्समा पुल्कित भीमसरिया तथा महिला सिंगल्समा विनिता जाजोडिया सराफले शीर्ष स्थान हात पारे ।

दुई दिने खेल महोत्सवमा क्रिकेट, फुटसल, टेबलटेनिस, ब्याडमिन्टन र पौडीमा प्रतिस्पर्धा भएको थियो ।
खेल महोत्सवको प्रायोजकमा ग्लोबल रिच एडुकेसन, शिव शक्ति ग्रुप, बिएलसी इन्रिचिङ लाइफ, मोहन खेतान फाउन्डेसन, केमिकल हाउस प्रा.लि. र राधाकृष्ण ज्वेलर्स रहेका छन् ।