5 months ago
September 2, 2024
काठमाडौं (हाम्रो खेलकुद)- एभीएम टिटि क्लबकी इभाना थापा मगर महिलाबाट र नेपाल पुलिस क्लबका संयोग कपाली पुरुषबाट २७ औं एसियाली टेबल टेनिस च्याम्पियनसिपका लागि छनोट भएका छन् ।
अर्को महिना काजकास्तानमा च्याम्पियनसिपका लागि अखिल नेपाल टेबल टेनिस संघले ३ दिन छनोट प्रतियोगिताको आयोजना गरेको थियो । सोमबार सम्पन्न छनोटमा इभाना आ-आफ्नो विधामा अब्बल रहँदै छनोट भएका हुन् । दुवै महिला र पुरुषतर्फ १-१ खेलाडी छनोट हुने प्रावधान रहेको थियो ।
महिलातर्फ लगातार च्याम्पियन रहेर एकछत्र राज गरेकी पुलिसकी नविता श्रेष्ठ छनोटमा तेस्रो भइन् । दुई चरणमा लिग प्रणालीमा भएको प्रतियोगितामा इभाना अपराजित रहँदै छनोट भएकी हुन् । एभीएमकै बियान्का राई दोस्रो हुँदा नविता तेस्रो स्थानमा सिमित भएकी हुन् । इभाना र बियान्का दुवैसँग हार भोगेकी नविताले राष्ट्रिय स्तरको एकै प्रतियोगितामा दुई खेल हारेको यो पहिलो अवसर हो ।
पुरुषतर्फ संयोग अपराजित रहँदै छनोट भए । पुलिसकै गनन्जय दाहाल दोस्रो हुँदा एपीएफका राजीव चिकबन्जार तेस्रो स्थानमा सिमित भए ।
एसियाली च्याम्पियनसिप असोज २१ देखि २७ गतेसम्म हुने संघका महासचिव कुवेर प्रकाश सिंहले जानकारी दिए । छनोट प्रतियोगिताबाट महिला र पुरुषमा शीर्ष १६ वरीयताका खेलाडी पनि निर्धारण गरिएको महासचिव सिंहले बताए ।
January 16, 2025
काठमाडौं (हाम्रो खेलकुद)- राष्ट्रिय खेलकुद परिषद (राखेप) ले मोहनदास वासुकलालाई टेबल टेनिसको मुख्य प्रशिक्षकको जिम्मेवारी दिएको छ। भक्तपुर जिल्ला खेलकुद विकास समितिमा कार्यरत टेबल टेनिसका नायव वरिष्ठ प्रशिक्षक वासुकलालाई बुधवार राखेप सदस्यसचिव स्तरीय निर्णय मार्फत मुख्य प्रशिक्षकको जिम्मेवारी दिएको हो । राखेपको तालिम तथा प्रशिक्षण विभागका निर्देशक सोभितराज प्रसाईंले वासुकलालाई बिहीवार जिम्मेवारीको पत्र हस्तान्तरण गरे […]
December 16, 2024
काठमाडौं (हाम्रो खेलकुद)- भारत र कतारमा हुने अलग अलग प्रशिक्षण र प्रतियोगितामा भाग लिने खेलाडीलाई सोमवार बिदाइ गरिएको छ। पुस १६ गते भारतको त्रिपुरामा हुने इन्डो नेपाल प्रो मुवाँथाईमा संजय राई, पेम्बा छिरिङ तामाङ, निरज नगरकोटी, सुमित्रा नागरकोटी ,रीना माझीले प्रतिस्पर्धा गर्नेछन्। टोलीको प्रशिक्षकमा महेश केसी छन् । त्यस्तै कतार दोहामा मंगलवार सुरु हुने सेपिङ […]
November 25, 2024
काठमाडौं (हाम्रो खेलकुद)- डेविस कपको अघिल्लो चरणमा बढुवा भएको नेपाली पुरुष टेनिस टोलीलाई सोमवार सम्मान गरिएको छ । नेपाल टेनिस संघले टोलीलाई सम्मान गरेको हो। टेनिस संघकी अध्यक्ष ज्योति राणा, महासचिव मनोहरदास मुल र सदस्य निरेश श्रेष्ठले टोलीलाई सातदोबाटोमा आयोजित एक कार्यक्रमबीच सम्मान गरे । नोभेम्बर १८ देखि २३ तारिखसम्म बहराइनको मानामामा भएको डेविस कप […]
