सुमन अधिकारी, बुटवल

सक्षम भुषण शाह र आर्यन गिरीको जोडी तथा आशिष खड्का र आयुषमान गुरुङको जोडी बुटवलमा दोस्रो मेयर कप तथा छैटौ राष्ट्रिय खुला लनटेनिस प्रतियोगिताको मेन्स डबल्सको उपाधिका लागि भिड्ने भएको छ ।

पहिलो सेमिफाइनलमा सक्षम भुषण र आर्यनको जोडीले नेहालजंग थापा र प्रदिप खड्काको जोडीलाई ६–४, ६–३ तथा अर्को सेमिफाइनलमा आशिष र आयुषमानको जोडीले रितिक राना र निशान्त श्रेष्ठको जोडीलाई ६–२, ६–४ ले हराउँदै अन्तिम दुईमा पुग्यो ।

रुपन्देही लन टेनिस संघको आयोजना प्रतियोगिताको मेन्स सिगंलको सेमिफाइनलको समीकरण पूरा भएको छ । देविनगरस्थित लन टेनिस कोर्टमा बिहिबार भएको मेन्स सिगलको क्वार्टरफानलमा साविक विजेता प्रदिप खड्कासहित प्रनव मानन्धर, निशान र रितिक अन्तिम चारमा प्रवेश गरेका छन् ।

प्रदिपले आर्यन गिरीलाई ६–३, ६–४ ले र प्रनव मानन्धरले प्रनव खनाललाई ६–१, ३–६, ६–३ ले पराजित गरे । निशानले आशिष खड्कालाई ६–१, ६–४ र रितिक रानाले सक्षम भुषण शाहलाई ६–३, ६–३ ले हराउँदै सेमिफाइनल पुगेका छन् ।

यसैगरि ३५ वर्ष प्लस मेन्स सिगलमा अनिल शाहीले नविन श्रेष्ठलाई ६–१, ६–२ ले, सन्तोष खत्रीले सोम रानालाई ६–१, ६–१ ले, कमल भण्डारीले राजन पौडेललाई ६–३, ६–० ले र सिमान्त गुरुङले सन्जय श्रेष्ठलाई ६–१, ६–३ ले हराउँदै सेमिफाइनल पुगेका छन् ।

३५ वर्ष डबल्सको उपाधिका लागि सन्तोष खड्का र सन्जय श्रेष्ठको जोडीले सिमान्त गुरुङ र अनिल शाहीको जोडीसँग प्रतिस्पर्धा गर्ने भएको छ । सिमान्त र अनिलको जोडीले विकास गुरुङ र पदम गुरुङको जोडीलाई ६–१, ६–१ तथा सन्तोष र सन्जयको जोडीले राजन पौडेल र नविन श्रेष्ठको जोडीलाई ७–६, ६–४, ६–३ ले हराउँदै फाइनलमा पुगेको छ ।

यसैगरि ४५ वर्ष प्लस मेन्स सिगलको उपाधिका लागि कलम भण्डारी र गोपी भट्टराईबीत प्रतिस्पर्धा हुनेछ । कमलले रोहित सुनुवारलाई ६–१, ६–० र गोपीले महादेव भण्डारीलाई ५–७, ६–३, ७–५ ले हराउँदै फाइनल यात्रा तय गरे ।

उता ४५ डबल्समा गोपी भट्टराई र धर्मा लामिछानेको जोडीले वाकओभर पाएर फाइनल पुगेको छ । अर्को सेमिफाइनलमा रोहित सुनुवार र जोली टार्जनको जोडीले हिमाल श्रेष्ठ र सुर्दशन भण्डारीको जोडीलाई ६–३, ६–३ ले हराउँदै फाइनल पुगेको छ ।

यसैगरि ५५ वर्ष मेन्स सिगलको उपाधिका लागि चन्द्र शाही र राजु श्रेष्ठ भिड्ने भएका छन । चन्द्रले विमल गुरुङलाई ६–२, ७–५ र राजुले बिष्णु हमाललाई ६–०, ६–१ ले हराउँै एकअर्कासँगको भेट पक्का गरेका हुन् ।

यसैगरि ५५ वर्ष डबल्सको उपाधिका लागि विमल गुरुङ र हिमाल श्रेष्ठको जोडीले लोक गुरुङ र धर्म लामिछानेको जोडीको सामना गर्नेछ । विमल र हिमालको जोडीले सुर्दशन भण्डारी र शिव सेढाईको जोडीलाई ७–६, ६–३, ९–७ तथा लोक र धर्मको जोडीले चन्द्र शाही र जोली टार्जनको जोडीलाई ६–१, ६–१ ले हराउँदै अन्तिम दुईको याात्रा तय गर्यो ।

यसैगरि ६५ वर्ष प्लस सिगलको उपाधिका लागि मनोज राणा र ध्रुव गुरुङबीच प्रतिस्पर्धा हुनेछ । प्रतियोगिताको पुरुष/महिला सिगल तर्फ उपाधि विजेताले ६० र दोस्रोले ३० हजार तथा तेस्रो हुने दुई जना खेलाडीले जनही २० हजार रुपैयाँ प्राप्त गरे ।