काठमाडौं (हाम्रो खेलकुद) – प्रिन्स दाहाल पुरुष र रसिला महर्जन महिलार्फत लि निङ १३ औं पुष्पलाल स्मृती राष्ट्रिय ¥याङ्किङ्ग ब्याडमिन्टन प्रतियोगिताको शीर्ष ८ वरियताबीचको सेमिफाइनलमा पुगेका छन् ।

प्रिन्स पुरुष एकल तर्फ समूह ए बाट विजेता र सो समूहको उपविजेताको रुपमा नेपाल पुलिसका सुनिल जोशी बुधबार सेमिफाइनलमा पुगेका छन् । समूह बी बाट विजेताको रुपमा ललितपुरका प्रफुल महर्जन र उपविजेताको रुपमा एपिएफका देवराज रानाले अन्तिम आठमा पुगेका छन् ।

महिला तर्फ समूह ए बाट ललितपुरकी रशिला महर्जन समूह विजेता र आर्मीकी अनुमाया राई उपविजेता तथा समूह बी बाट भोजपुरकी नङ्गशल तामाङ्ग समूह विजेता र पुलिसकी निता लम्साल समूह उपविजेता बन्दै सेमिफाइनलमा पुगेका छन् ।

नेकपा एमालेको भातृ संस्था नेपाल खेलकुद महासंघ अन्तरगतको राष्ट्रिय ब्याडमिन्टन संघ, नेपालको आयोजनामा भएको प्रतियोगिताको शीर्ष ८ को पुरुष एकल तर्फको दिनको अन्तिम खेलमा प्रिन्सले पुलिसका जीवन आचार्यलाई २१–१८, २१–१३ ले पराजित गरेका थिए । प्रिन्सले लिगका तीनै खेलमा जित निकाले । अर्को खेलमा पुलिसका सुनिल जोशीले एपिएफका विजित थापा मगरलाई २१–१०, १७–२१, २१–१८ ले पराजित हराए ।

समूह बी बाट ललितपुरका प्रफुल महर्जनले आजको खेलमा पुलिसका बिष्णु कटुवाललाई २१–१५, २१–१७ ले पराजित गरे । उनले लिगमा आफ्ना तीनै खेलमा जित निकाले थिए । समूह उपविजेता देवराज रानाले आजको खेलमा पुलिसका दीपक बोहरालाई २१–१२, २१–१५ ले पराजित गरे । देवराजले लिगका दुई खेलमा जित हात पारे ।

चन्द्रागिरीस्थित महांकाल ब्याडमिन्टन क्लबको कभर्डहलमा भएको प्रतियोगिताको महिला एकल तर्फ समूह ए को अन्तिम लिग खेलमा ललितपुरकी रसिलाले आर्मीकी अनुमाया राईलाई १७–२१, २१–१६, २१–१२ ले पराजित गरेकी थिइन् ।

रसिलासँग पराजित भएपनि समूह उपजिेताको रुपमा अनुले अन्तिम चारण्मा पुगेकी थिइन् । यसै समूहको अर्को खेलमा मोरङ्गकी सिमा राजवंशीले सर्लाहीकी निकिता लामालाई २१–८, २१–९ ले पराजित गरेकी थिइन् ।

यसैगरि भोजपुरकी नङ्गशलले लिगको अन्तिम खेलमा आर्मीकी अमिता गिरीलाई २१–१०, २१–१३ ले पराजित गरेकी थिइन् । नङ्गशलले समूह चरणको तीने खेलमा जितेकी थिइन् । अर्को खेलमा पुलिसकी निता लम्सालले एपिएफकी शोभा गौचन माथि २१–११, २१–११ ले हराएकी थिइन् ।