सुमन अधिकारी, बुटवल

बुटवलमा सुरु भएको छैटौं राष्ट्रिय लन टेनिस प्रतियोगिताको पहिलो दिन मंगलबार विभिन्न समूहका खेल भएका छन् । मेन्स ओपनको उद्घाटन खेलमा निहालजंग थापाले विकास खड्कालाई ६–४, ६–२ ले हराए । अर्को खेलमा युगेन शेर्पाले निर्मल मगरलाई ६–४, ६–४ ले पराजित गरे ।

मेन्स ३५ प्लसमा विकास पाण्डेले टिका घिमिरेलाई ६–२, ६–३ ले, नविन श्रेष्ठले रिश्चल थापालाई ६–०, ६–१ ले, विकास गुरुङ एचकेले प्रकाश बस्नेतलाई ६–०, ६–३ ले, राजन पौडेलले विश्वास थापाले ६–१, ६–२ ले हराउँदै अन्तिम आठमा पुगे ।

त्यस्तै ४५ मेन्स सिंगलमा रोहित सुनुवारले छावान लामालाई ६–१, ६–१ ले, रामु विकले तेज लिलाई ६–४, ६–३ ले, किम जिम मानले विष्णु चापागाईलाई ६–०, ६–२ ले, कमल भण्डारीले विकास गुरुङलाई ६–१, ६–३ ले, माधव भण्डारीले विष्णु बहादुर थापालाई ६–१, ६–० ले, अर्जुन गुरुङले मनोज ढुगानालाई ६–०, ६–२ ले, शरण गुरुङले मनोज नेपाललाई ६–३, ६–० ले र गोपी भट्टराईले केवी तामाङलाई ६–०, ६–१ ले हराउँदै क्वाटरफाईनलमा पुगेका छन् ।

५५ प्लस मेन्स सिंगलमा चद्रा शाहीले शिव सेढाईले ६–१, ६–१ ले र विष्णु हमालले नरेन्द्र सिहलाई ६–१, ६–१ ले पराजित गर्दै दोस्रो चरणमा प्रवेश गरेका छन ।

मेन्स ओपन डबल्सतर्फको खेलमा प्रदिप खड्का र निहालजंग थापाको जोडीले प्रवण खनाल र प्रनव मानन्धरको जोडीलाई ६–४, ७–६ ले, संयमबिक्रम शाह र आर्यन गिरीको जोडीले निर्मल मगर र विवेक गर्बुजाको जोडीलाई ६–०, ६–० ले, रितिक राना र ईशान श्रेष्ठको जोडीले उगेन शेर्पा र बिष्णु नेपालीको जोडीलाई ६–२, ६–२ ले हराउँदै सेमिफाइनलमा पुगेका छन् ।

यसैगरि ३५ प्लस डबल्समा राज गुरुङ र केवी तामाङको जोडीले सब्बर मिया र गोपाल ज्ञवालीको जोडीलाई २–६, ६–१, ६–४ ले, चोम बहादुर शाह र सन्दुप के लामाको जोडीले सागर थापा र विकास पाण्डेको जोडीलाई ६–१, ६–१ ले, रिश्चल थापा र अभिषेक पाठकको जोडीले टिका घिमिरे र प्रकाश बस्नेतको जोडीलाई ६–२, ५–७, ७–५ को सेटमा पराजित गर्दै क्याटरफाईनलमा प्रवेश गरेको प्रतियोगिताका सुपरभाइजर कृष्णराज घलेले बताए ।

१९ गते सम्म हुने प्रतियोगितामा ११ विधामा एक सय खेलाडीहरुले प्रतिस्पर्धा गरेको संघका सचिव सबर मियाले बताए ।