default_image

1 year ago

February 12, 2024

निश्चल र पविनको जोडीलाई ब्याडमिन्टन उपाधि

362 views

0 Bookmark

हिमाल‌ खरेल, बिर्तामोड

निश्चल क्षेत्री र पविन लिङथेपको जोडीले बिर्तामोडमा भएको पाँचौं संस्करणको राष्ट्रिय पुरुष खुला तथा भेट्रान्स ब्याडमिन्टन प्रतियोगितामा खुलातर्फको‌ उपाधि जितेको छ।

मेहरमान बहुउद्देश्यीय कबर्ड हलमा सोमबार भएको फाइनलमा भोजपुरका क्षेत्री र त्रिभुवन आर्मी क्लबका लिङथेपको जोडीले नेपाल एपिएफ क्लबका भोजबहादुर गुरुङ र भोजपुरका विशाल तामाङको जोडीलाई ३०–२८ र २१–१९ को सोझो सेटमा हराएकाे थियो ।

त्यस्तै, भेट्रान्सतर्फ प्रेम गुरुङ र सञ्जय कपालीको जोडीले कृष्ण खड्का र विष्णु तामाङको जोडीलाई हराउँदै उपाधि रक्षा गरेको हो । बिग ब्रदरका गुरुङ र कपालीले मेहरमानका खड्का र तामाङको जोडीलाई २१–१६ र २१–१६ को सोझो सेटमा हराएकाे थियो ।

यसैबीच, खुलातर्फ आर्मीका हिमाल चन्द र नखिपोटका विवेक कन्दङवाको जोडी तथा उदयपुरका विनय चौधरी र मोरङका लाक्पा शेर्पाको जोडी तेस्रो भयो।

भेट्रान्सतर्फ पाँचथरका दिपक आङदेम्बे र मोरङका जीवन बोगटी तथा ताप्लेजुङका घनेन्द्र लिम्बू र मदन लिम्बूको जोडी तेस्रो भयो ।

आयोजक लायन्स क्लब अफ अनारमनी तथा लियो क्लब अफ अनारमनीको आयोजनामा भएको प्रतियोगिताका खुलातर्फका विजेताले ७० हजार रुपैयाँ, ट्रफी र मेडल पाए । त्यस्तै, दोस्रो हुनेले ४० हजार र तेस्रो हुनेले १० हजार रुपैयाँ ट्रफी र मेडल प्राप्त गरे ।

भेट्रान्सतर्फका विजेताले ३० हजार, दोस्रो हुनेले १५ तेस्रो हुनेले ५ हजार रुपैयाँ, ट्रफी र मेडल पाएका छन्।

क्लबका अध्यक्ष महेन्द्र घिमिरेको अध्यक्षतामा भएको पुरस्कार वितरण कार्यक्रममा लायन्स क्लब इन्टरनेसनल डिस्ट्रिक्ट २५ सिका डिस्ट्रिक्ट गभर्नर विजयहरि शर्मा, प्रतियोगिता संयोजक रविन्द्र भट्टराई, पूर्वअध्यक्ष शैलेन्द्र कुरुम्बाङ लगायतले विजेता तथा उपविजेतालाई पुरस्कार वितरण गरेका थिए ।

January 16, 2025

वासुकलालाई टेबल टेनिस मुख्य प्रशिक्षकको जिम्मेवारी

काठमाडौं (हाम्रो खेलकुद)-  राष्ट्रिय खेलकुद परिषद (राखेप) ले मोहनदास वासुकलालाई टेबल टेनिसको मुख्य प्रशिक्षकको जिम्मेवारी दिएको छ। भक्तपुर जिल्ला खेलकुद विकास समितिमा कार्यरत टेबल टेनिसका नायव वरिष्ठ प्रशिक्षक वासुकलालाई बुधवार राखेप सदस्यसचिव स्तरीय निर्णय मार्फत मुख्य प्रशिक्षकको जिम्मेवारी दिएको हो । राखेपको तालिम तथा प्रशिक्षण विभागका निर्देशक सोभितराज प्रसाईंले वासुकलालाई बिहीवार जिम्मेवारीको पत्र हस्तान्तरण गरे […]

December 16, 2024

मुवाँथाई र टेबलटेनिसका खेलाडीको बिदाइ

काठमाडौं (हाम्रो खेलकुद)- भारत र कतारमा हुने अलग अलग प्रशिक्षण र प्रतियोगितामा भाग लिने खेलाडीलाई सोमवार बिदाइ गरिएको छ। पुस १६ गते भारतको त्रिपुरामा हुने इन्डो नेपाल प्रो मुवाँथाईमा संजय राई, पेम्बा छिरिङ तामाङ, निरज नगरकोटी, सुमित्रा नागरकोटी ,रीना माझीले प्रतिस्पर्धा गर्नेछन्। टोलीको प्रशिक्षकमा महेश केसी छन् । त्यस्तै कतार दोहामा मंगलवार सुरु हुने सेपिङ […]

November 25, 2024

डेविस कपमा सफल टेनिस टोली सम्मानित

काठमाडौं (हाम्रो खेलकुद)- डेविस कपको अघिल्लो चरणमा बढुवा भएको नेपाली पुरुष टेनिस टोलीलाई सोमवार सम्मान गरिएको छ । नेपाल टेनिस संघले टोलीलाई सम्मान गरेको हो। टेनिस संघकी अध्यक्ष ज्योति राणा, महासचिव मनोहरदास मुल र सदस्य निरेश श्रेष्ठले टोलीलाई सातदोबाटोमा आयोजित एक कार्यक्रमबीच सम्मान गरे । नोभेम्बर १८ देखि २३ तारिखसम्म बहराइनको मानामामा भएको डेविस कप […]

Success

Thank you for your time.