10 months ago
January 17, 2024
काठमाडौं (हाम्रो खेलकुद) – एपिएफका अनिल मल्ल राजधानीमा जारी प्रथम मुख्य मन्त्री कप खुल्ला राष्ट्रिय ब्याडमिन्टन च्याम्पियनसिपको पुरुष एकलको क्वाटरफाइनल प्रवेश गरेका छन् ।
बसुन्धरास्थित फिटनेस पार्क ब्याडमिन्टन एकेडेमीमा भएको प्रतियोगितामा बुधबार नेपाल पुलिस क्लबका पूर्ण बहादुर थापालाई २१–१५ र २१–१५ को सोझो सेटमा हराउँदै अनिल अन्तिम ८ मा पुगेको हो ।
प्रतियोगिताको यु–१३ तर्फ तनहुँका सफल भुजेल र स्पोर्टस् हवका सदीप राईले अन्तिम ८ मा पुगे । सफलले देवी नगरका प्रज्वल श्रेष्ठलाई २१–१२ र २१–१३ र सदीपले केबिसीका सामन्त बज्राचार्यलाई २१–९ र २१–७ ले हराएका हुन् ।
क्वाटरफाइनलमा पुग्नका लागि कैलालीका रियांश चौधरीले दोलखाका आरभ श्रेष्ठलाई २१–१३ र २१–१०, धन्यन्तरीका सत्यम कार्कीले ग्यालेक्सी पब्लिकका शुभम चौहानलाई २१–१४ र २१–१२, धन्यन्तरीकै सुहम कार्कीले सर्लाहीका प्रनिश कार्कीलाई २१–१४ र २१–१२ ले हराए ।
त्यस्तै एपिएफका आरुष सिमखडाले दोलखाका अग्रिम श्रेष्ठलाई २१–८, २१–१२, दीपक ब्याडमिन्टन एकेडेमीका डियोन भण्डारीले कपिलबस्तुका शिभम कसुधनलाई २४–२२, १३–२१ र २१–१७ र कैलालीका आदित्य चौधरीले एपिएफका आनन्द पोखरेललाई २१–३, २१–८ ले पराजित गरे ।
फिटेस पार्कका संचालक अर्जुन खनालको सभापतित्वमा भएको कार्यक्रमको बागमती प्रदेशका अर्थ मन्त्री बहादुर सिंह तामाङ्गले रेफ्रि उदय अर्याललाई सटल कर्क दिदै प्रतियोगिताको उद्घाटन गरे ।
कार्यक्रममा राष्ट्रिय खेलकुद परिषद्का सदस्य चन्द्र बदना राई, पूर्व ब्याडमिन्टन च्याम्पियन एवं ब्याडमिन्टन संघका पूर्व उपाध्यक्ष प्रताप अधिकारी, पूर्व राखेप सदस्य सुभाष श्रेष्ठ, समाजसेवी एवं ग्रिनसिटी अस्पतालका अध्यक्ष लोक बहादुर टन्डन, बागमती प्रदेश ब्याडमिन्टन संघका संयोजक रुद्र थिङ्ग लगायतको उपस्थिती थियो ।
October 26, 2024
काठमाडौं (हाम्रो खेलकुद)- सुनिरा थापा र रितिक राणा चौथो वीर गणेशमान सिंह राष्ट्रिय टेनिस प्रतियोगिताको सिंगल्समा च्याम्पियन भएका छन् । गणेशमान सिंह फाउन्डेसनको आयोजनामा शनिवार सम्पन्न प्रतियोगितामा सुनिरा वमन्स सिंगल्स र रितिक मेन्स सिंगल्समा च्याम्पियन भएका हुन् । सिंगल्स च्याम्पियनद्वय रितिक र सुनिराले समान १ लाख रुपैयाँ नगद पुरस्कार पाए । सातदोबाटोस्थित नेपाल टेनिस संघको […]
October 24, 2024
काठमाडौं (हाम्रो खेलकुद) – कमल थापाले चौथो वीर गणेशमान सिंह राष्ट्रिय टेनिस प्रतियोगितामा बिहीवार दुई उपाधि जितेका छन् । सातदोबाटोस्थित नेपाल टेनिस संघको कोर्टमा भएको प्रतियोगिता कमलले पुरुष ५५ वर्षमाथि र ६५ वर्षमाथि उमेरसमूहको सिंगल्समा गरी दुई उपाधि जितेका हुन् । कमलले ५५ वर्षमाथि उमेरसमूहको फाइनलमा मनोजविक्रम शाहलाई समान ७–६, ७–६ ले हराए । उनले […]
October 23, 2024
काठमाडौं (हाम्रो खेलकुद) – कायन चालिसे र निम्ती कुवँर चौथो वीर गणेशमान सिंह राष्ट्रिय टेनिस प्रतियोगितामा यु–८ सिंगल्समा बुधबार च्याम्पियन भएका छन् । सातदोबाटोस्थित नेपाल टेनिस संघको कोर्टमा जारी प्रतियोगितामा बुधवार यु–८ उमेरसमूहमा कायन ब्वाइज र निम्ती गल्र्सतर्पm च्याम्पियन भएका हुन् । कायनले फाइलनमा टोनिस श्रेष्ठलाई १०–७ र १०–३ ले हराए । निम्तीले भने अमिरा […]