ब्याडमिन्टमा सञ्जयलाई स्वर्ण

काठमाडौं (हाम्रो खेलकुद) – सञ्जय कपालीले छैटौं आन्तरिक ब्याडमिन्टन प्रतियोगिताको पुरुष सिंगल्समा स्वर्ण पदक जितेका छन् ।

पुरानो सिनामंगल– ३२ स्थित टाउन प्लानिङमा आइतबार भएको फाइनलमा सञ्जयले बविन केसीलाई २१–९ र २१–१५ को सोझो सेटमा पराजित गरे । पिस फिट्नेस सेन्टर (पीएफसी) द्वारा आयोजित प्रतियोगिताको पुरुष डबल्समा उमेश धिताल र राजेन्द्र थापाको जोडीले फाइनलमा श्याम थापा र रुपेन गुरुङको जोडीलाई सीधा सेटमा २१–१२ र २१–१९ ले हरायो ।

भेट्रान डबल्स पुरुष ५० वर्षमाथि पिताम्बर तिम्सिना र प्रकाश थापाको जोडी पहिलो भयो । तिम्सिना र थापाको जोडीले फाइनलमा भोला वाग्ले र सुवास प्रसाईंको जोडीलाई २१–१२ र २३–२१ ले पराजित गर्यो । विजयीदशमीको उपलक्ष्यमा असोज २५ गते देखि सुरु भएको प्रतियोगितामा ३ स्पर्धामा प्रतिस्पर्धा भएको थियो ।

विजेतालाई राष्ट्रिय खेलकुद परिषद् (राखेप) का सदस्य–सचिव टंकलाल घिसिङलगायतले पुरस्कृत गरे । सो अवसरमा नेपाल सरकारका सचिब तोयम रायमाझी, नेपाल ओलम्पिक कमिटीका सहमहासचिब पिताम्बर तिम्सिना, नेपाल ब्याडमिन्टन संघका अध्यक्ष रामजी बहादुर श्रेष्ठ, शसस्त्र प्रहरी बलका डिआइजी दुर्गा भट्टराइ तथा नेपाल खेलकुद महासंघका कोषाध्यक्ष उज्जल सुबेदीलगायतको उपस्थिति थियो ।