काठमाडौं (हाम्रो खेलकुद) – दक्षिण एसिया क्षेत्रिय जुनियर च्याम्यिम्पियनसिपको यू १५ टिम इभेन्ट्सको फाइनलमा नेपाल र श्रीलंकाबीच प्रतिस्पर्धा हुने भएको छ ।

ब्याडमिन्टन एशियाको आयोजना तथा नेपाल ब्याडमिन्टन संघको हलचोस्थित एपिएफको कभर्डहल जारी च्याम्पियनसिपको सेमिफाइनलमा नेपालले बंगलादेशलाई ३–२ ले हराउँदै अन्तिम दुईमा स्थान बनाएको छ ।

पहिलो सेटमा बंगलादेशका मोस्तकिम होसेनले नेपालका सुविन श्रेष्ठलाई २१–७, २१–१० ले पराजित गरे । दाश्रो सेटमा रिहाना शेरचनले अफिफा खान अरिनलाई २१–१६, २१–१५ ले पराजित गर्दै खेललाई १–१ को बराबरीमा ल्याईन् । यस्तै तेश्रो सेटमा मोस्तकिम होसेन र वाली उल्लाहको जोडीले सूर्य महर्जन र सुविन श्रेष्ठको जोडीलाई २१–११, २१–११ ले पराजित गर्दै बंगलादेशले २–१ को अवस्थामा पु¥यायो ।

दिलाशा राना र रिहाना शेरचनको जोडीले अफिफा खान अरिन र तान्जिला महमुदको जोडीलाई २१–१६, २२–२० ले पराजित गर्दै खेललाई २–२ को बराबरीमा पु¥याए । अन्तिम तथा निर्णायक खेलमा सुविन र रिहानाको जोडीले बंगलादेशका मोस्तकिम होसेन र तान्जिला महमुदको जोडीलाई २१–१५, २०–२२, २१–१३ ले पराजित गरेपछि नेपालले अन्तिम दुईको यात्रा तय गरेको थियो ।

अर्को सेमिफाइनलमा श्रीलंकाले भुटानलाई ३–० ले हराउँदै फाइनल यात्रा तय गरेको थियो । श्रीलंकाका केनेथ अरुग्गोडाले भुटानका पेमा तेन्जिनलाई २१–६, २१–७ ले, सिथुली रनसिंघेले याङ्गचेन डोलकरलाई २१–८, २१–८ ले र केनेथ अरुग्गोडा र सेनुथ सेथमिथा पेरेराको जोडीले पेमा तेन्जिन र सोनाम फुन्छो छेतेनको जोडीलाई २१–९, २१–११ ले हराएको थियो ।

च्याम्पियनसिपको दोश्रो दिन शनिबार यू–१७ को टिम इभेन्ट्समा बंगलादेशले भुटानलाई ३–० ले पराजित गर्दै फाईनल प्रवेश गर्यो । बंगलादेशका एस.एस.एम. सिफात उल्लाहले भुटानका ङवाङ्ग रिग्सेल जर्मीलाई २१–१२, २१–७, सिनथिन खानोम प्रियुन्तीले कृती गुरुङ्गलाई २१–१८, २१–५ र राजोन मिया र एस.एस.एम. सिफात उल्लाहको जोडीले अभिक बालामपाकी र नवाङ्ग रिग्सेल जर्मी जोडीलाई २१–५, २१–१० ले पराजित गर्यो ।

अर्को सेमिफाइनलमा श्रीलंकाले नेपाललाई ३–० ले नै पराजित गर्दै अन्तिम दुईको यात्रा तय गर्यो । श्रील्ंकाका थिदासा वेरागोडाले नेपालका कविर के.सी.लाई २१–१७, १५–२१, २३–२१, रनिथमा लियानागेले रोजी राईलाई २१–५, २१–३ र हिरुका अलुथ पाटबेन्डिगे र थिदासा वेरागोडाको जोडीले कविर के.सी. र अभय महराको जोडीलाई २१–१८, २१–१७ ले पराजित गर्यो ।