पोखरा (हाम्रो खेलकुद) – पोखरा कमल भण्डारी र राजु श्रेष्ठको जोडीले १४ औं पोखरा ओपन भेट्रान्स टेनिस प्रतियोतिगामा ३५ वर्ष माथिको डबल्स तर्फको उपाधि जितेको छ । कास्की जिल्ला टेनिस संघद्वारा आयोजित प्रतियोगिता अन्र्तगत आइतबार भएको फाइनल खेलमा कमल र राजुको जोडीले आत्माराम कार्की र राजु श्रेष्ठ (गोर्खा) को जोडिलाई ६–२, ६–३ ले हराएको थियो ।

५५ वर्ष माथि डबल्सको उपाधि विजेता मनोज राणा र झ्याम्बा धुन्डुप (दायाँ) को जोडी ।

४५ वर्ष माथिको डबल्सको उपाधि सुवर्ण ढाक्वा र कृष्ण घलेको जोडीले जित्यो । सूवर्ण र कृष्णको जोडीले डेगेन्द्र श्रेष्ठ र राजु क्षेत्रीको जोडीलाई ६–२, २–६ र सुपरटाईमा १०–७ ले हराएको थियो । ट्रयाक्युलिटी स्पा मुख्य प्रायोजक रहेको प्रतियोगिताको ५५ वर्ष माथि डबल्सको उपाधिमा मनोज राणा र झ्याम्बा धुन्डुपको जोडी विजयी भयो । मनोज र झ्याम्बाको जोडीले फाइनलमा करिम मुल्ला मुसलमान र कर्मा घलेको जोडिलाई ६–२, ६–४ ले हरायो ।

६५ वर्ष माथिको एकलतर्फ भरत रायमाझिले डा.इन्द्रजित राईलाई ४–२ र ५–४ ले पराजित गर्दै पहिलो स्थान प्राप्त गरे । ३५ वर्ष माथिको एकलको उपाधिका लागि कमल भण्डारी र श्रीराम मगरबीच प्रतिस्पर्धा हुने भएको छ छ । सेमिफाइनलमा कमलले राजु श्रेष्ठलाई ६–०, ६–३ लाई हराए ।

आत्माराम कार्की रिटायर्ट हर्ट भएपछि श्रीराम स्वतः विजयी भए । पहिलो सेट श्रीरामले ७–६ ले आफ्नों पक्षमा पारेका थिए । त्यस्तै ४५ वर्ष माथिको एकलको फाइनलमा कृष्ण घले र राजु श्रेष्ठबीच प्रतिस्पर्धा हुने भएको छ । कृष्णले प्रदिप शाहलाई ६–१, ६–० ले तथा राजुले सुदर्शन विष्टमाथि २–६, ६–४ र सुपरटाईमा १०–५ हराउँदै एकअर्कासँगको भेट पक्का गरेका थिए । त्यस्तै ५५ वर्ष माथिको एकलमा मनोज राणाले प्रदिप शाहलाई ६–२, ६–१ म पराजित गर्दै फाइनलमा प्रवेश गरेका छन् । पोखराका खेलाडीले यसपटक सेमिफाइनल पार गर्न सकेनन् ।