पोखरा (हाम्रो खेलकुद) – नेपाल पुलिस क्लब ६ स्वर्ण पदकसहित नवौं राष्ट्रिय खेलुकद अन्तर्गत टेबलटेनिससमा टिम च्याम्पियन बनेको छ । पोखरामा बुधबार सम्पन्न प्रतियोगितामा पुलिस ६ स्वर्ण, २ रजत र ४ कास्य पदक जित्दै टिम च्याम्पियन बनेको हो ।

नेपाल एपिएफ क्लब १ स्वर्ण, ४ रजत र १ कास्य पदकका साथ दोस्रो स्थानमा रह्यो । बागमती प्रदेशले १ रजत र २ कास्य पदक सहित पदक तालिकामा तेस्रो भएको छ । त्रिभुवन आर्मी क्लब,एनआरएनए, प्रदेश १ ले समान २ कास्य तथा र गण्डकी प्रदेशले १ कास्य पदक जितेको छ ।

महिला सिंगल्सको स्वर्ण पदक पुलिस नविता श्रेष्ठले जितेकी छिन् । नविताले वेस्ट अफ सेभनको फाइनलमा आफ्नै क्लबकी एलिना महर्जनलाई ११–८, ११–६, १२–१४, ११–८, ९–११, ६–११, १३–१५ ले पराजित गरिन् । एपीएफकी सिक्का सुवाल र आर्मीकी रविना महर्जनले संयुक्तरुपमा कास्य पदक जिते ।

पुरुष सिंगल्सतर्फ पुलिसका स्यान्टु श्रेष्ठले स्वर्ण पदक जिते । स्यान्टुले एपिएफका रुविन महर्जनलाई ११–८, ११–७, ११–९, ६–११, ११–६ ले हराए । पुलिसका प्रदीप रोका र एपिएफका संयोग कपालीले कास्य पदक जिते ।

प्रतियोगितामा मधेश प्रदेश, लुम्बिनी, कर्णाली र सुुदूरपश्चिम प्रदेशले भने पदक जित्न सकेनन् । राष्ट्रिय खेलुकद परिषद्का सदस्य राजेश गुरुङ, अखिल नेपाल टेबल टेनिस संघका अध्यक्ष चतुरानन्दराज राजवैद्य, उपाध्यक्ष धर्ममान बज्राचार्य र कोल्मा बहाकोट तमु समाजका अध्यक्ष सुवेदार लालबहादुर गुरुङलगायतले विजेता खेलाडीलाई पुरस्कृत गरे ।