एजेन्सी – विम्बल्डन विजेता नोभाक जोकोभिचलाई स्वदेशमा भव्य स्वात गरिएको छ । विवादास्पद खेलमा अष्ट्रेलियन निक किर्गीओसलाई चार सेटसम्म चलेको फाइनलमा पराजित गर्दै आइतबार जोकोभिचले लगातार चौथो पटक विम्बल्डन टेनिसको उपाधि जितेका थिए । त्यो उनको खेल जीवनको २१ औं ग्रान्डस्लाम उपाधि हो ।

विम्बल्डन च्याम्पियन बनेर फर्केपछि उनलाई हजारौं समर्थकले बेलग्रेडको सिटी हलमा स्वागत गरेका थिए । उनको सफलतामा आतिशवाजी गर्नुका साथै कन्सर्टको पनि आयोजना गरिएको थियो । ३५ वर्षे स्टारले आफूले हस्ताक्षर गरेका २० वटा टेनिस बल समर्थकको भिडमा फालेका थिए । उनले समर्थकका साथ आफ्नो सातौं विम्बल्डन उपाधिसहितको तस्बिर खिचेका थिए । उनी रोजर फेडरर भन्दा एक उपाधिले मात्र पछाडि छन् । फेडेररले कीर्तिमानी ८ पटक विम्बल्डन जितेका छन् ।

जोकोभिचले सन् २०१८ यता लगतार चार पटक विम्बल्डन जितेका हुन् । सन् २०२० मा भने कोभिड महामारीका कारण विम्बल्डन स्थगित भएको थियो । राफल नाडालको सर्वाधिक ग्रान्डस्लाम उपाधि भन्दा जोकोभिच पछाडि छन् । स्पेनिस स्टार नाडालले २२ र जोकोभिचले २१ ग्रान्डस्लाम जितेका छन् ।

जोकोभिचले अगष्टमा उनले युएस ओपन भने त्याग्न परेको थियो । कोभिडविरुद्धको भ्याक्सिन नलगाएका कारण उनी प्रतियोगिताबाट निष्काशित गरिएका थिए ।

अष्ट्रेलियाले आफूमाथि गरेको प्रतिबन्ध फुकुवा गर्नेमा जोकोभिच आशावादी रहेका छन् । ‘म अष्ट्रेलिया र अमेरिका भ्रमण गर्न सक्दिन । तर, मैले सकारात्मक समाचारको अपेक्षा गरेको छु,’ जोकोभिचले भनेका छन्,‘ मलाई विश्वास छ अष्ट्रेलियन ओपनका पनि विषयहरु फेरिनेछन् । युएस ओपनका लागि पनि अब धेरै समय छैन । म युएस र अष्ट्रेलियष्न ओपन खेल्न चाहन्छु । यदि त्यो सम्भव भएन भनेपछि सबैथोक अन्त्य भने हुने छैन । ’

जोकोभिचको भव्य स्वागत भएकै दिन जारी विश्व वरियतामा भने उनी सातौं स्थानमा पुगेका छन् । पछिल्लो चार वर्षयता त्यो उनको कमजोर वरियता हो ।