रेवाकिना विम्बल्डन च्याम्पियन

एजेन्सी – काजकस्तानकी एलेना रेवाकिना विम्बल्डन टेनिसको च्याम्पियन बनेकी छिन् । उनी महिला एकलतर्फ च्याम्पियन बनेकी हुन् ।

लन्डनस्थित सेन्टर कोर्टमा शनिबार भएको फाइनलमा ट्युनिसियाकी तेस्रो वरीयताकी आन्स जवेउरमाथि २–१ को सेटमा जित निकाल्दै एलेना काजकस्तानबाट ग्रान्डस्लाम जित्ने पहिलो खेलाडी बनेकी हुन्।

रसियामा जन्मिएकी २३ वर्षीय उनको करिअरको पहिलो ग्रान्डस्लाम उपाधि हो । कुनैपनि ग्रान्डस्लाम टेनिसको फाइनलमा पुगेको पहिलो अवसरमा नै उनी च्याम्पियन बनेकी हुन् । यसअघि उनी गत वर्ष फ्रेन्च ओपनको क्वाटरफाइनलमा र गत वर्ष नै युएस ओपन र त्यसभन्दा अघि तेस्रो चरणसम्म पुगेको थियो ।

विम्बल्डन खेल्न रुसीर बेलारुसी खेलाडीलाई प्रतिबन्ध लागेपछि १७औं वरीयताकी उनले २०१८ यता काजकस्तानबाट खेल्दै आएकी छिन् । त्यसअघि उनले २०१३ देखि २०१८ सम्म रसियाबाट खेलेकी थिइन् । काजकिस्तानबाट ठुलो आर्थिक सहयोग प्राप्त गरेपछि उनले आफ्नो राष्ट्रियता परिवर्तन गरेकी थिइन् ।

पहिलो सेट ३–६ ले गुमाएको एलेनाले त्यसपछिको दुवै सेट ६–२ र ६–२ ले आफ्नो पक्षमा पार्न सफल भएको थियो । उनी २०११ यता विम्बल्डन च्याम्पियन बन्ने कान्छी खेलाडी समेत बनिन् । ‘म कति खुशी छु शब्दले भन्न सक्दिन ।’ रेवाकिनाले भनिन् ।