6 years ago
April 21, 2019
नेपालगन्ज (हाम्रो खेलकुद) – आठौं राष्ट्रिय खेलकुद अन्तर्गत भलिबलमा गण्डकी प्रदेशका पुरुष र महिलाको दुवै टोली सेमिफाइनलमा प्रवेश गरेका छन् ।
समूह चरणको अन्तिम खेलमा गण्डकीले पुरुषतर्फ कर्णाली प्रदेशलाई पराजित गर्दै अन्तिम चारको यात्रा तय गर्दा महिला टोलीले विभागीय त्रिभुवन आर्मी क्लबको चुनौती पन्छाउदै एक खेल अगावै अन्तिम चारमा पुग्न सफल भएका हुन् ।
गण्डकी प्रदेश पुरुषतर्फ समूह ‘क’ को उपविजेता बन्दा आर्मी एक खेल अगावै समूह विजेता बन्यो । गण्डकीले कर्णाली प्रदेशलाई २५–१७, २५–१४ र २५–२१ ले हराउदै चार खेलबाट ९ अंक जोडे पछि सेमिफाइनल प्रबेश गरेको हो । अब आर्मीले कर्णाली प्रदेशसँग खेल्न बाँकी छ ।
महिला तर्फ निकै नै महत्वपुर्ण खेलमा गण्डकीले त्रिभुवन आर्मी क्लबमाथि ३–२ को संघर्षपुर्ण जित निकाल्दै एक खेल अगावै सेमिफाइनलमा पुग्न सफल भयो । गण्डकीले सुरुवाती दुई सेट गुमाएपनि उत्कृष्ट पुनरागमन गर्दै ३–२ को जित निकाल्न सफल भएको हो । गण्डकीले आर्मीमाथि १३–२५, १७–२५, २५–२३, २५–२१ र १६–१४ को संघर्षपूर्ण जित निकाल्यो ।
पुरुषतर्फ समुह ‘ख’ बाट नेपाल पुलिस क्लब विजेता तथा नेपाल एपीएफ समूह उपविजेता बन्दै अन्तिम चारको यात्रा तय ग¥यो । खजुरास्थित भलिबल कोर्टमा आइतबार भएको समूह चरणको अन्तिम खेलमा पुलिसले प्रदेश १ माथि २५–१३, २५–२०, १७–२५ र २७–२५ ले जित्न सफल भयो ।
महिलातर्फ गण्डकीसँगै प्रदेश ३, एपीएफ र पुलिसले सेमिफाइनलमा स्थान बनायो । प्रदेश ३ ले कर्णली प्रदेशलाई २५–४, २५–१२ र २५–१८ को तथा एपीएफले सुदुरपश्चिम प्रदेशलाई २५–८, २५–१३ र २५–१० को सोझो सेटमा पाखा लगायो ।
March 17, 2025
हिमाल खरेल, बिर्तामोड भोजपुरको रामप्रसाद राई गाउँपालिकामा बासिखोरा रन २०८१ हुने भएको छ । प्रतियोगिता विभिन्न ४ विधामा हुनेछ । आयोजक तीन सहिद खेलकुद विकास संस्थाका अनुसार चैत ३० गते बासिखोरामा हुने प्रतियोगितामा महिला/पुरुष खुला, यु १८, यु १३ र ४० वर्षमाथिको विधा समावेश गरिएको छ । महिला/पुरुष खुला, यु १८ र ४० वर्षमाथिको समूहमा […]
March 17, 2025
काठमाडौं (हाम्रो खेलकुद)- सहिद स्मारक बी डिभिजन लिगमा च्यासल युथ क्लबलाई ४-० को हार चखाउँदै प्लानिङ ब्वाइज क्लबले लगातार दोस्रो जित हात पारेको छ। एन्फा कम्प्लेक्समा आज भएको खेलको पहिलो हाफमा दुवै टिमबाट गोल हुन सकेन । दोस्रो हाफमा भने प्लानिङ ब्वाइजले सानदार प्रदर्शन गर्यो । ५५ औं मिनेटमा सुजन डंगोलले गोलको खाता खोले । […]
March 17, 2025
काठमाडौं (हाम्रो खेलकुद)- एएफसी एसियन कप छनोट र मैत्रीपूर्ण खेलका लागि २३ सदस्यीय राष्ट्रिय फुटबल टोलीको घोषणा भएको छ। अखिल नेपाल फुटबल संघ (एन्फा) का अनुसार टोलीका मुख्य प्रशिक्षक म्याट रोसले सोमवार टोलीको घोषणा गरेका हुन्। गोलरक्षक अञ्जल श्रेष्ठ, डिफेन्डर रक्षक सुमन श्रेष्ठ र स्ट्राइकर सुवास बम ठकुरी पहिलो पटक राष्ट्रिय टोलीमा स्थान बनाउन सफल […]