6 years ago
May 28, 2018
काठमाडौं (हाम्रो खेलकुद) – सबैभन्दा चर्चित तथा अपेक्षित फुटबल प्रतियोगिता फिफा विश्वकपको २१ औं संस्करण जुन १४ देखि रुसमा सुरु हुँदैछ । हाम्रो खेलकुद डटकमको यस ‘विश्वकपमा हेर्नलायक २० खेलाडी’ सुचीको नम्बर १७ मा रहेका छन् अर्जेन्टिनाका विङर एन्जल डि मारिया ।
एन्जल डि मारियाले यस सिजन पेरिस सेन्ट जर्मन (पिएसजी) बाट लिग १ को उपाधि जित्न सफल रहे । नियमित टोलीमा स्थान नपाए पनि आफूले सुरुवात गरेको २६ लिग खेलमा उनले ११ गोल र ६ असिस्ट गरे । सबै प्रतियोगितामा उनले २० गोल गर्न सफल भए ।
२०१४ को विश्वकपमा डि मारियाले अर्जेन्टिनाले खेलेका ७ खेलमध्ये ५ मा सुरुवात गरेका थिए र १ गोल पनि गरेका थिए । त्यस्तै २०१५ को कोपा अमेरिकामा सबै ६ खेल खेल्दै २ गोल र २ असिस्ट गरेका थिए । यस विश्वकपमा पनि डि मारियाको भुमिका निकै महत्त्वपूर्ण हुने देखिन्छ ।
२०१४/१५ को सिजन म्यानचेस्टर युनाइटेडमा बिताएका डि मरियाको पिएसजी सरुवापछी खेल निकै सुध्रेको छ र ३० वर्षे उनी आफ्नो करियरकै उच्च लयमा पनि छन् ।
अर्जेन्टिनाको अग्रपंक्तिमा डि मारियासहित स्टार लियोनल मेस्सी, गोन्जालो हिग्वाइन, सर्जियो अगुएरो र पौलो डिबाला रहेका छन् । हिग्वाइन र अगुएरो एकै प्रकारका खेलाडी भएकाले ती दुई मध्ये एकले मात्र सुरुवात गर्ने देखिन्छ भने विपक्षीलाई मध्यनजर राख्दै डिबाला खेल्ने वा नखेल्ने निर्णय प्रशिक्षक जोर्जे साम्पाउलीले लिने देखिन्छ ।
अग्रपंक्तिका यी खेलाडीभन्दा डि मारियाको खेलशैली केही भिन्न छ । उनी पूर्णत विङर रहेका छन् र विङको दायाँ वा बायाँमा खेल्न सक्छन् जसले उनलाई टोलीको अभिन्न अङ बनाएको छ । क्रस र लामो दुरीको प्रहारमा माहिर डि मारियाले अर्जेन्टिनी टोलीलाई छुट्टै आयाम प्रदान गर्ने छन् ।
गत विश्वकपमा दोस्रो स्थान हासिल गरेको अर्जेन्टिना यस पटक भने उपाधि जित्न केन्द्रित छ । स्टार खेलाडी मेस्सीमा मात्र निर्भर भएर त्यो सम्भव नहुने भएकाले डि मारियाको अनुभव, कौशल र गोल गर्ने कला अर्जेन्टिनाका लागि पक्कै उपयोगी सावित हुने छ ।
हेर्नुहोस् अर्जेन्टिनाको प्रारम्भिक विश्वकप टोली
September 19, 2024
काठमाडौं(हाम्रो खेलकुद) – गुलशन झाको अलराउन्ड प्रदर्शनको बाबजुत नेपाल आइसिसी विश्वकप लिग–२ त्रिकोणात्मक ओडिआई सिरिजमा ओमानसँग पराजित भएको छ । क्यानडाको किङ्ग सिटीमा बिहीवार बिहान सम्पन्न खेलमा नेपालमाथि ओमानले १ विकेटको जित हात पारेको हो । मंगलबार भएको पहिलो ओडिआईमा पनि नेपाल घरेलु टोलीसँग पराजित भएको थियो । नेपालले दिएको २ सय २१ रनको लक्ष्य […]
September 19, 2024
काठमाडौं(हाम्रो खेलकुद) – आइसिसी विश्वकप लिग–२ त्रिकोणात्मक ओडिआई सिरिजमा ओमानविरुद्ध नेपालले मध्यम योगफल तयार गरेको छ । क्यानडाको किङ्ग सिटीमा जारी खेलमा नेपालले ओमानलाई २ सय २१ रनको लक्ष्य दिएको छ । टस हारेर पहिले ब्याटिङको निम्तो पाएको नेपालले रोहित पौडेल र गुलसन झाको अर्धशतकमा ५० ओभरमा ९ विकेट गुमाएर २ सय २० रनको योगफल […]
September 18, 2024
एजेन्सी – अफगानिस्तानले दक्षिण अफ्रिकामाथि ओडिआई खेलमा ऐतिहासिक जित हात पारेको छ । दक्षिण अफ्रिकासँग पहिलो पटक ३ खेलको ओडिआई सिरिज खेलिरहेको अफगानिस्तानले पहिलो खेलमा ६ विकेटको जित हात पारेको हो । अफगानिस्तानले कुनै पनि सिनियर क्रिकेट खेलमा दक्षिण अफ्रिकालाई पराजित गरेको यो पहिलो पटक हो । युएईको शारजहामा भएको खेलमा दक्षिण अफ्रिकाले दिएको १ […]