भारतको क्यालिकट हिरोज फाइनलमा

काठमाडौं (हाम्रो खेलकुद)- अपराजित रहँदै सेमिफाइनलमा पुगेको इरानको यु १८ टोलीलाई ३-१ ले हराउँदै भारतको क्यालिकट हिरोज काभा मेन्स भलिबल क्लब च्याम्पियनसिपको फाइनलमा प्रवेश गरेको छ।

लिग चरणको खेलमा शीर्षस्थानमा रहँदै सेमिफाइनलमा पुगेको इरानको युवा टोलीले सुरूवात राम्रो गर्यो। पहिलो सेट २५-२१ ले जित्यो। खेलमा १-० अग्रता बनायो।

एक सेट गुमाएको क्यालिकटले सानदार कमब्याक गर्यो। २२-२५ को स्कोरमा इरानले दोस्रो सेट गुमायो।
क्यालिकटले खेललाई एक-एकको बराबरीमा पुर्यायो। तेस्रो सेटमा पनि इरानलाई दबाबमा दिंदै २५-२० ले तेस्रो सेट जित्दा २-१ को अग्रता बनाउन सफल भयो।

खेलमा फर्कने कोशिशमा रहेको इरानको टिमले चौथो सेटमा क्यालिकटलाई चुनौती दिएपनि २६-२४ ले चौथो सेट जित्दै फाइनलमा स्थान बनायो।

लिग चरणमा शीर्षस्थानमा रहेको इरानले पहिलो हार बेहोर्दा सेमिफाइनलमाबाट बाहिरियो। तेस्रो हुँदै सेमिफाइनलमा पुगेको क्यालिकट भने फाइनलमा प्रवेश गर्न सफल रहयो।