चितवन – चण्डीभन्ज्याङ एफसी र राइजिङ स्टार एफसी देवघाट भरतपुरमा जारी कैलाश कप सेभेन ए साइड फुटबलको क्वार्टरफाइनलमा प्रवेश गरेका छन् ।

आइतबार चण्डीभन्ज्याङ सर्वश्रेष्ठ नारायणी एफसीलाई तथा राइजिङ स्टार दासढुङ्गा एफसीलाई पराजित गर्दै अन्तिम आठमा पुगेका हुन् । चण्डीभन्ज्याङले सर्वश्रेष्ठ नारायणीलाई २–१ पराजित ग¥यो । चण्डीभन्ज्याङको जितमा राज भुसाल र सुरज गुरुङले गोल गरे । सर्वश्रेष्ठका हार्दिक गुरुङले एक गोल फर्काए पनि हार टरेन ।

अर्को प्री क्वाटरफाइनल खेलमा राइजिङ स्टारले दासढुङ्गालाई टाई ब्रेकरमा ३–२ ले पराजित ग¥यो । निर्धारित समयमा एक–एक गोल भएपछि खेल टाई ब्रेकरमा धकेलिएको हो । त्यस अघि आजै समूह चरणका अन्तिम तीन खेल पनि भएको थियो । पहिलो खेलमा एफसीएन नौरङ्गेले एएफसी पिपलटारलाई १–० ले पराजित ग¥यो । नौरङ्गेको जितमा विप्लव गुरुङले निर्णायक गोल गरे ।

यस्तै दोस्रो खेलमा बागेश्वरी एफसीले गङ्गोत्री एफसीलाई १–० ले पाखा लगायो । बागेश्वरीको जितमा कुशन गुरुङले गोल गरे । समूह चरणको अन्तिम खेलमा क्षेत्रपुर फुटसल एरिनाले भरतपुर ९ एफसीलाई १–० ले हरायो । क्षेत्रपुरलाई जिताउन प्रविण लिम्बुले गोल गरे । यि तिनै टोली प्री क्वाटरफाइनल प्रवेश गरेका छन् ।

३२ टोली सहभागी प्रतियोगिताको फाइनल खेल कात्तिक १७ गते हुनेछ । प्रतियोगिताको विजेताले उपाधिसहित ४२ हजार, दोस्रो टोलीले २२ हजार रुपैयाँ प्राप्त गर्ने प्रतियोगिताको संयोजक सविन अधिकारीले बताए ।