वान टिम वान गोललाई फुटबल उपाधि

एन के शरद, रौतहट

वान टिम वान गोल क्लब बटुवाले सेभेन ए साइड फुटबल प्रतियोगिताको उपाधि जितेको छ । लगानशिल युवा क्लब भट्टिरागीलाई १–० ले हराउँदै वान टिम वान गोल क्लबले उपाधि जितेको हो । प्रदेश नं २ को रौतहट हिमालीबास फुटबल मैदानमा भएको फाइलनमा सुखारी चौधरीको गोलमा वान टिम वान गोल क्लब च्याम्पियन बनेको थियो ।

विजेता टोलीले उपाधिसहित २० हजार र दोस्रो टोलीले १० हजार रुपैयाँ प्राप्त गर्यो । फाइनलमा गोल गरेका सुखारी खेलको म्यान अफ दी म्याच चुनिाएका थिए भने लगनशिल युवा क्लबका चन्दन चौधरी प्रतियोगिताका उत्कृष्ट खेलाडी चुनिएका थिए । प्रतियोगितालाई सगुन बेकरी क्याफे चपुर, चंखे रेष्टुरेन्ट निजगढ, देव होटल कोल्भी, श्रेष्ठ हार्डवेय हिमालीबास, दिलु कस्मेटिक हिमाली बजार, मनकामना सुनचाँदी पसल कोल्भीले प्रायोजन गरेको थियो ।

जेष्ठ नागरिक रत्नबहादुर श्रेष्ठ, आयोजक क्लबका अध्यक्ष अर्जुन श्रेष्ठ र सुशील लम्साललगायतले विजेता उपविजेता टोलीका खेलाडीलाई पुरस्कृत गरे । सरोज भुजेल रेफ्री रहेको फाइनलमा प्रल्हाद खरेल र समिर भुजेल सह रेफ्री रहेका थिए । स्थानिय दर्शकको उल्लेख उपस्थितिमा रहेको थियो । हिमाली युवा क्लब दुवाराको आयोजनामा असोज १३ गतेबाट सुरु भई मंगलबार सम्पन्न भएको प्रतियोगितामा १४ टोलीको सहभागिता थियो ।