दिपक न्यौपाने, बुटवल

मदन भण्डारी स्पोर्टस एकेडेमीले लाफा बि लेभल भलिबल प्रतियोगिताको उपाधि जितेको छ । शिवनगर सामुदायिक वनको कोर्टमा भएको खेलमा मदन भण्डारी स्पोर्ट्स एकेडेमीले आयोजन लाफा समुहलाई २–१ ले हराउँदै उपाधि जितेको हो । एकेडेमीले लाफालाई २५–१६,२५–२७ र १५–१३ ले हराएको थियो ।

न्यु होराइजन स्पोर्ट्स क्लब प्रतियोगितामा तेस्रो बन्यो । नमस्ते गुल्मी भलिबल ग्रुप २५–२३ र २५–२१ को सोझोले हराउँदै न्यु होराइजन तेस्रो बनेको थियो । मदन भण्डारी स्पोर्टस् एकेडेमीले ४० हजार, आयोजक टोलीले २० हजार रुपैयाँ प्राप्त गरेको छ । प्रतियोगितामा विभागिय र राष्ट्रिय प्रतियोगिता नखेलेका खेलाडी सम्मिलित ४० टोलीको सहभागिता थियो ।

प्रतियोगिताको उत्कृष्ट डिफेन्स लाफाका सागर लामिछाने, उत्कृष्ट सेटर मदन भण्डारीका विनोद बि क, उत्कृष्टसर्भर लाफाका यम आले, उत्कृष्ट स्पाइकर मदन भण्डारीका गौरव खत्री, राइजिङ प्लेयर्स दिप बोर्डिङका सन्दिप नेपाली र उत्कृष्ट खेलाडी मदन भण्डारीका बबिन थापा चुनिए ।

बुटवल उपमहानगरपालिकाका प्रवक्ता रामप्रसाद रेग्मी, बुटवल उपमहानगरपालिका वडा ८ का अध्यक्ष भिम बहादुर श्रेष्ठ, नगर खेलकुद विकास समितिका अध्यक्ष नन्दु काउचा, शिवनगर सामुदायिक वनका अध्यक्ष नारायण घिमिरे , मिलिजुली टोल विकास समितिका अध्यक्ष निर्मला महत, लाफा समूहका अध्यक्ष तारा सिं रेश्मी, उपाध्यक्ष उपाध्यक्ष बबिन थापा, खेल संयोजक केशव राना तथा समूहका संरक्षक बासुदेव लामिछानेले विजेता ,उपविजेता टोलीका खेलाडीलाई पुरस्कृत गरे ।