बुटवल (हाम्रो खेलकुद)– विक्रम डम्बरपाल र कोमल कुमारी थापाले प्रथम रुपन्देही जिल्ला स्तरीय पावर लिफ्टििङ प्रतियोगिताको उपाधि जितेका छन् ।

नेपाल पावर लिफ्टिङ संघको तत्वावधानमा व्यायम व्यवसायी संघ रुपन्देहीको आयोजनामा शनिबार भएको प्रतियोगिता पुरुषतर्फ कुल ४ सय ३१ केजी वजन उचाल्दै विक्रम च्याम्पियन बनेका हुन् । कोमलले कुल २ सय ९२ केजी तौल उठाउँदै महिलातर्फको उपाधि जितेकी हुन् । विजेताले उपाधिसहित समान ५ हजार रुपैयाँ प्राप्त गरे ।

छनोट चरण पार गर्दै ३० जना खेलाड फाइनल राउण्डमा प्रवेश गरको थिए । बुटवल ३ स्थित सिद्धबाबा पार्टी प्यालेसमा भएको फाइनल राउण्डमा पुरुष ६५ केजी वजन भन्दा माथिको समूहमा प्रकाश चौधरी पहिलो मनोज मल्लाह दोश्रो र प्रस गुरुङ तेस्रा भए । त्यस्तै ६५ केजी वजन भन्दा मुनिको समूहमा बिक्रम डम्बरपाल विजेता, उदयराज पाण्डे दोश्रो र आबिष्कार खड्का तेस्रो भए ।

महिला तर्फ ६० केजी भन्दा माथीको समुहमा कोमल कुमारी थापा प्रथम निधिका नेपाल दोश्रो र शान्ति थापा तेस्रा भइन् । महिला ६० केजी भन्दा मुनिको वजन समुहमा मिना कुमारी खाम्चा पहिलो, मन्जिता राजभण्डारी दोश्रो र प्रविना रोकाया तेस्रो भइन् ।

विजेन्द्रमान श्रेष्ठको अध्यक्षतामा सम्पन्न प्रतियोगिताको मुख्य अतिथि सनराइज बैंकका प्रबन्धक नविन थापा रहेका थिए । प्रतियोगिताको संचालन नेपाल पावर लिफ्टिङ संघको प्रतियोगिता संचालन समितिका सदस्य उत्सव अधिकारीले गरेका थिए ।

विजयी खेलाडी मुख्य अतिथि थापा, अध्यक्ष थापा श्रेष्ठ, पावर लिफ्टिङ संघ प्रतियोगिता संचालन समितिका सचिव सुरेश सुवेदी, रुपन्देही जिल्ला शारीरिक सुगठन तथा फिटनेस संघका अध्यक्ष सितु प्रसाद श्रेष्ठले पुरस्कत गरे । सनराइज बैकले मुख्य प्रायोजन गरेको प्रतियोगिताको मुख्य निर्णायक बुद्धिजंग कार्की तथा निर्णायक शिवध्वज राई ,केशब बहादुर शाक्य, राज कुमार श्रेष्ठ, सुरज श्रेष्ठ र सुकदेव कार्कीले गरेका थिए ।