3 years ago
September 12, 2021
काठमाडौं (हाम्रो खेलकुद)– मुकुन्द दाहाल अग्रज खेलपत्रकारिता सम्मान र गोविन्दराज नेपाल सुमन भोम्जन युवा खेल पत्रकारिता पुरस्कारबाट पुरस्कृत भएका छन् । नेपाल खेलकुद पत्रकार मञ्चले आफ्नो २६ औं स्थापना दिवसको अवसरमा आइतबार सम्मान र पुरस्कार प्रदान गरेको हो ।
दाहालले २५ हजार रुपैया प्राप्त गर्नुभयो । युवा पत्रकारले ५० हजार बराबरको ल्यापटप प्राप्त गरे । मञ्चले हरेक वर्ष स्थापना दिवसका दिन अग्रज पत्रकारलाई सम्मान र पछिल्लो चार वर्षयता युवा पत्रकारलाई पुरस्कृत गर्दे आएको छ। सम्मानित व्यक्तित्वलाई नेपाल ओलम्पिक कमिटी (एनओसी)का अध्यक्ष जीवनराम श्रेष्ठ, राष्ट्रिय खेलकुद परिषद (राखेप) का सदस्य सचिव रमेशकुमार सिलवाल, नेपाल पत्रकार महासंघका महासचिव रोशन पुरी र एनएसजेएफका अध्यक्ष दुर्गानाथ सुबेदी (देबेन्द्र)ले सम्मान गरे ।
मञ्चका संस्थापक समेत रहेका दाहालले स्थापना कालमा गरेको संघर्षको सम्झना गर्दे युवा पुस्ताले सम्मान गरेकोमा खुसी व्यक्त गरे ।सुमन भोम्जन स्मृति युवा पत्रकारिता पुरस्कारबाट सम्मानित नेपालले पुरस्कारले पत्रकारिता यात्रा अगाडि वढाउन थप हौसला मिलेको बताए ।
एनओसीका अध्यक्ष श्रेष्ठले खेलकुद पत्रकारिताको विकासमा मञ्चको भुमिकाको प्रशंसा गर्दै संस्थाले पत्रकारिता क्षेत्रमा अझ प्रगती गरोस् भन्दै शुभकामना दिए । राखेप सदस्य सिलवालले स्थापना दिवसका अवसरमा अनुज, अग्रजलाई सम्मान गर्ने परम्परा राम्रो बताए ।
पत्रकार महासंघका महासचिव रोशन पुरीले नेपाल खेलकुद पत्रकार मञ्च महासंघको सक्रिय एसोसियट सदस्यको रुपमा रहेको भन्दै प्रशंसा गरे । राष्ट्रिय तथा अन्तराष्ट्रिय खेलाडी संघका उपाध्यक्ष दीपक थापाले नेपालको खेलकुद क्षेत्रमा एनएसजेएफको योगदान उल्लेखनिय रहेको बताए ।
अखिल नेपाल फुटबल संघ (एन्फा)का अध्यक्ष कर्माछिरिङ शेर्पाले एनएसजेएफ एकेडेमीको माध्यमबाट खेलकुद पत्रकारको क्षमता अभिवृद्धि गर्ने कार्यलाई निरन्तरता दिनुपर्ने बताए ।
एनएसजेएफका अध्यक्ष सुवेदीले खेलकुद पत्रकारिताको अभियानलाई सक्रिय राख्ने सन्दर्भमा मञ्चले सधै नेतृत्वदायी भुमिका खेल्ने विश्वास दिलाए । मञ्चले भदौ २७ गतेलाई स्थापना दिवसका रुपमा मनाउँदै आएको छ । २०५२ सालमा मञ्चको विधिवत रुपमा स्थापना भएको थियो ।
September 20, 2024
सूर्य शुभचिन्तक , वीरगञ्ज बारा कोल्हबीकी मिना चौधरी मधेश युनाइटेडको लागि छनोट भएककी छिन्। योसँगै एभरेस्ट महिला भलिबल लिग (इडब्लुभिएल) खेल्नका लागि मधेशको टोलीले पूर्णता पाएको छ। इडब्लुभिएलका सहभागी टोली हरेकले ट्यालेन्ट हन्ट मार्फत एक जना खेलाडी छनोट गर्नुपर्ने प्रावधान छ। शुक्रवार वीरगञ्जको ज्ञानदा एकेडेमीको हलमा मधेशको ट्यालेन्ट हन्ट भएको थियो । बाराको जनशक्ति क्लबबाट […]
September 20, 2024
काठमाडौं (हाम्रो खेलकुद) – नेपाल पुलिस क्लबले काभा महिला भलिबल क्लब च्याम्पियनसिपमा अपराजित रहँदै लिग चरणको अन्त्य गरेको छ । लिगको आफ्नो अन्तिम खेल जितेको पुलिसले ५ खेल जितेर १४ अंक जोडेको छ । पुलिसले एक खेल अगावै फाइनलमा स्थान बनाएको थियो । शुक्रवार पुलिसले माल्दिभ्सको घरेलु टोली पुलिसलाई ३-१ को सेटमा हराएको हो । पहिलो […]
September 20, 2024
प्रकाश तिमल्सिना,काठमाडौं करातेकी एरिका गुरुङले खेल जीवनमा अर्को इतिहास रचेकी छिन् । गत वर्ष १९ औं एसियाली खेलकुदमा रजत जितेकी एरिका शुक्रवार २० औं एसियन कराते च्याम्पियनसिपको फाइनलमा पुगेकी छिन् । उनले कम्तीमा रजत पदक पक्का गरेकी छिन् । नेपाली खेलाडी एसियन च्याम्पियनसिपको फाइनलमा पुगेको इतिहास नै यो पहिलो पटक हो । एरिकाले प्री क्वाटरफाइनलमा […]