प्रधानमन्त्रीलाई राखेप कर्मचारी संघको ज्ञापन पत्र

काठमाडौं (हाम्रो खेलकुद) – राष्ट्रिय खेलकुद परिषद् (राखेप) कर्मचारी संघले प्रधानमन्त्री शेर बहादुर देउवालाई शुक्रबार कर्मचारीका हकहितसँग जोडिएका विषय समेट्दै ५ बुँदे समेटर ज्ञापन पत्र बुझाएको छ ।

बालुवाटरस्थित प्रधानमन्त्री निवासमा कर्मचारी संघका अध्यक्ष रञ्जन थापाको नेतृत्वमा गएको संघको प्रतिनिधी मण्डलले राखेप र खेल क्षेत्रमा रहेका बिकृती र विसंगतीका विषयमा पनि ज्ञापनपत्र मार्फत ध्यानाकर्षण गराएको छ । त्यस्तै राखेप कर्मचारीका हकहितका बिषयलाई समेटेर परिषदका संरक्षक समेत रहेका प्रधानमन्त्री समक्ष ज्ञापन पत्र बुझाइएको संघले जनाएको छ ।

लामो समय देखि बढुवा नभएको, करार ब्यवस्थापन गर्नु पर्ने, स्थाई प्रकृया थाल्नु पर्ने, कर्मचारीहरुलाई प्रदेशमा समायोजन नगरी काजमा खटाईएकोमा समायोजन गर्नु पर्ने, उपदान रकम १५ प्रतिशत कट्टा गरिएकोमा निजामती कर्मचारी सरहनै ५ प्रतिशत मात्रै कट्टा गर्नु पर्ने र निजामती कर्मचारी सरहनै सेवा तथा सुविधा प्राप्त गराउनुपर्ने विषयलाई संघले ज्ञापन पत्रमार्फत माग गरेको छ । संघले आफ्ना मागहरु सम्बोधन गरि छिटो कार्यान्वयनमा ल्याउन पहल गर्नका लागि पनि प्रधानमन्त्री समक्ष आग्रह गरेको छ ।