3 years ago
August 4, 2021
काठमाडौं (हाम्रो खेलकुद)– ओलम्पियन जुडोकी देवु थापा प्रहरी निरीक्षक (इन्स्पेक्टर) मा बढुवा भएकी छिन् । नेपाल प्रहरी खेलकुद विकास समितिका सदस्य सचिव प्रहरी अतिरिक्त महानिरीक्षक प्रद्युम्नकुमार कार्कीले थापालाई दर्ज्यानी चिन्ह प्रदान गरेका थिए ।
प्रहरी सेवामा जवानमा २०४८ मा प्रवेश गरेकी थापा तीन दशकमा इन्स्पेक्टरमा बढुवा भएकी हुन् । थापा २०५७ हवलदार, २०६२ मा असई र २०६३ मा सईमा बढुवा भएकी थिइन् । जुडोकी प्रशिक्षक तथा रेफ्री समेत रहेकी थापाले दक्षिण एसियाली खेलकुद (साग) मा रजत र कास्य पदक जितेकी थिइन् ।
१० औं सागमा रजत पदक जितेपछि उनी असईमा बढुवा भएकी थिइन् । जुम्लामा जन्मेकी थापाले २०५२ मा जुडो खेलाडीका रुपमा खेल जीवन अघि बढाएकी थिइन् । खेल र प्रहरी जीवनसँगै अघि बढेकोमा गर्व महसुस भएको जनाउँदै उनले भनिन्, ‘आज खेलकै कारण यहाँ छु । जवानबाट प्रवेश गरेर इन्स्पेक्टर हुन्छु भन्ने कल्पना पनि गरेको थिइन् । खेलाडी भएकै कारण यो सम्भव भएको हो । फर्केर हेर्दा पछुताउनु पर्ने केहि छैन ।’
पुलिसको टोलीलाई निरन्तर प्रशिक्षण दिँदै आएकी थापा २ सन्तानकी आमा हुन् । थापाले सन् २००८ को बेजिङमा खेलाडीका रुपमा सहभागिता जनाएकी थिइन् । त्यस्तै उनले साग, एसियाली खेलकुद र ओलम्पिकमा जुडो खेलाडीलाई प्रशिक्षण दिएकी थिइन् ।
January 10, 2025
काठमाडौं (हाम्रो खेलकुद)- नेपाल कबड्डी लिग (एनकेएल) को खेल तालिका शुक्रवार सार्वजनिक गरिएको छ । माघ ४ गते हुने उद्घाटन खेलमा काठमान्डु माभरिक्स र पोखरा लेकर्सबिच प्रतिस्पर्धा हुनेछ । एस्ट्रोनिक्स म्यानेजमेन्टले आयोजना गर्ने एनकेएलको पहिलो सिजन फ्रेन्चाइज अवधारणमा ६ सहरका ६ टोलीले प्रतिस्पर्धा गर्दैछन् । विराटनगरले पहिलो खेलमा धनगढी वाइल्डक्याट्सको सामना गर्नेछ । जनकपुर नाइट्सले […]
January 10, 2025
काठमाडौं (हाम्रो खेलकुद)- नेपालका नम्बर एक गल्फर सदभाव आचार्यले ३८औं बंगलादेश एमेच्योर गल्फ च्याम्पियनसिपको तेस्रो दिन शुक्रवार ८-ओभर ८० को निराशाजनक प्रदर्शन गरे। यो स्कोरमा ५४ होलको खेल सकिंदा समग्रमा २-ओभर २१८ सहित चार स्ट्रोकको अग्रता सहित शीर्षस्थानमा कायमै रहे। तर उनले ३६ होलको समाप्तिमा बनाएको ८ स्ट्रोकको सानदार अग्रतालाई जोगाउन सकेनन्। सदभावले बंगलादेशका मोहम्मद […]
January 9, 2025
काठमाडौं (हाम्रो खेलकुद)- नेपालले ३८औं बंगलादेश एमेच्योर गल्फ च्याम्पियनसिपको टिम इभेन्टमा स्वर्ण पदक जितेको छ। नेपाल नम्बर एक एमेच्योर गल्फर सदभाव आचार्य र राहुल विकेको जोडीले बिहीवार इभन-पार २८८ स्कोर गर्दै स्वर्ण जितेका हुन। बंगलादेशको ‘बी’ टिमलाई १६ स्ट्रोकको फराकिलो अन्तरमा हराउँदै नेपालले प्रभावशाली जित निकालेको हो। सदभावले लगातार दोस्रो दिन ३-अन्डर ६९ को स्कोर […]
