पहिरोपिडितलाई एआरएनए म्याड्रिडको सहयोग

काठमाडौं (हाम्रो खेलकुद)– दसौं दक्षिण एसियाली खेलकुद (साग) की रजत पदक विजेता उसुकी झरना गुरुङ अहिले स्पेनमा बस्दै आएकी छिन् । उनी एनआरएनए म्याड्रिड स्पेनमा आबद्ध छिन् । उनी त्यो संस्थाको महिला संयोजक हुन् ।

एनआरएनए म्याड्रिड स्पेनले बाढी–पहिरोबाट विस्थापित भएका सिन्धुपाल्चोक हेलम्बुका स्थानीयलाई राहत सामाग्री वितरण गरिएको छ । गुरुङका अनुसार एनआरएनए म्याड्रिड स्पेनको पहलमा स्पेनमा संकलित रकमबाट हेलम्बुका ११ घरपरिवारलाई प्रतिघर ११ हजार रुपैयाँ बराबरका खाद्यान्न, लत्ताकपडा, सोलरबत्ती, त्रिपाल, स्वास्थ्य सामाग्री लगायतका सामाग्री वितरण गरिएको हो ।

बाढी–पहिरोका कारण हेलम्बु गाउँपालिका गाउँ विपत्तिमा परेको छ । हेलम्बुका ग्रामिण क्षेत्रमा बाढी–पहिरो पिडित परिवार समक्ष अहिले सम्म पनि राहत नपुगेको भन्ने जानकारी पाएपछि एनआरएनए म्याड्रिड स्पेनकोे टिमले संकलन गरि पठाएको रकमबाट राहत सामाग्री पठाएको गुरुङले बताइन् । राहत सामाग्री वितरण गर्न उसु खेलाडीहरु सिन्धुपाल्चोकको हेलम्बु नै पुगेका थिए ।