default_image

4 years ago

July 8, 2021

पारा खेलाडी र कमिटीलाई सहयोग

121 views

0 Bookmark

काठमाडौं (हाम्रो खेलकुद) – जापानको मिकीसिटीस्थित एनपीओ रारीगुराँसले नेपाल पारा तेक्वान्दो कमिटी र पारा तेक्वान्दो खेलाडीलाई आर्थिक सहयोगका लागि खेल पोशाक प्रदान गरेको छ ।


रारीगुराँसका अध्यक्ष अकेमी मिजुबाले पठाएको १ लाख रुपैयाँ रारीगुराँसका नेपाल अध्यक्ष रोशन श्रेष्ठले कमिटीका संयोजक समेत रहेका नेपाल तेक्वान्दो संघका कोषाध्यक्ष कसिम मियाँ धोबीलाई बिहीबार हस्तान्तरण गरे । सोही अवसरमा जापानको टोकियोमा हुने पाराल्याम्पिक्सका लागि वाइल्ड कार्ड पाइ सहभागिता निश्चित गरीसकेकी खेलाडी पलेशा गोबद्र्धनसहित उनको ट्रेनिङ पार्टनर विशाल गर्बुजा र सिर्जना तामाङ तथा प्रशिक्षक कविराज नेगी लामालाई ट्रयाक सुट र टिसर्ट प्रदान गरिएको थियो ।


करिब ४० हजार रुपैयाँ बराबरको केल्मीको सामाग्री प्रदान गरिएको कमिटीका सचिव दीपक विष्टले जानकारी दिए । उक्त सामग्री नव कञ्चन बहुउद्देश्यीय सहकारी संस्थाले टोलीलाई उपलब्ध गराएको बताइएको छ । नव कञ्चनका अध्यक्ष यज्ञराज अवस्थीले उनीहरुलाई सामग्री प्रदान गरे । पलेशा जुलाई १ तारिखदेखि बन्द प्रशिक्षणमा छिन् । पलेशालाई लामासहित कोरियाली प्रशिक्षक क्वान यङ दल, दीपक विष्ट र रञ्जन श्रेष्ठले प्रशिक्षण दिइरहेका छन् । बिहान÷दिउँसो समान २ घण्टा गरि ४ घण्टा प्रशिक्षण भइरहेको छ ।

पाराल्याम्पिक्स अगष्ट २५ देखि सेप्टेम्बर ६ तारिखसम्म हुने छ । तेक्वान्दोको स्पर्धा सेप्टेम्बर ३ देखि ५ तारिखसम्म हुनेछ । पलेशाले क्याटगोरी ४४ अन्तर्गत महिला ५८ केजीमुनि तौलसमूहमा प्रतिस्पर्धा गर्नेछिन् । पारा ओलम्पिकका लागि नेपालबाट छनोट हुने पलेशा हालसम्म एक्लो खेलाडी हुन् ।

March 31, 2025

एपिएफ महिन्द्रा स्पोर्टस अवार्ड यसै महिना हुने

काठमाडौं (हाम्रो खेलकुद )- एपिएफ महिन्द्रा स्पोर्टस अवार्ड २०८१ यसै महिनाको अन्त्यमा हुने भएको छ। सशस्त्र प्रहरी बल नेपालको खेलकुद तथा शारीरिक सुगठन शिक्षालयअन्तर्गत नेपाल एपिएफ क्लबको आयोजना र अग्नी ईन्कोपर्पोरेटेड प्रा.लि. महिन्द्राको सहकार्यमा पहिलो पटक अवार्ड हुने लागेको हो । चैत २९ गते हुने अवार्डमा एपिएफ वर्षका उत्कृष्ट खेलाडी महिला,पुरुष,युवा, प्रशिक्षक,टिम, चर्चित खेलाडीसहित नगदसहित […]

March 31, 2025

अस्ट्रेलियामा गल्कोट कप भलिबल हुँदै

सिड्नी (हाम्रो खेलकुद) – अस्ट्रेलियाको सिड्नीमा तेस्रो गल्कोट कप पुरुष भलिबल प्रतियोगिता नेपाली नयाँ वर्ष २०८२ को पहिलो साता आयोजना हुने भएको छ । एक दिने प्रतियोगिता वैशाख ७ गते सिड्नीको लिडकमस्थित ओवर्न बास्केटबल सेन्टरमा हुनेछ । प्रतियोगितामा अस्ट्रेलियाका रहेका नेपाली समुदायका १२ देखि १४ टोलीको सहभागिता रहने आयोजकले जनाएको छ । प्रतियोगिताको पुरस्कार राशि […]

March 24, 2025

घोडचढी संघलाई सम्झौता पालना नगरेकोमा ओसिएको पत्र

काठमाडौं (हाम्रो खेलकुद)- ओलम्पिक काउन्सिल अफ एसिया (ओसिए) ले नेपाल घोडचढी संघका अध्यक्ष रवि राजकर्णिकारले सम्झौता पालना नगरेकोमा आश्चार्य व्यक्त गरेको छ। ओसिएका महानिर्देशक हुसैन अल मुसल्लमले सोमवार राजकर्णिकारलाई नेपाल ओलम्पिक कमिटी (एनओसी) विरुद्ध दायर मुद्दा अझै फिर्ता नलिएकोमा आश्चर्य व्यक्त गरेका हुन् । फागुन २७ गते कुवेतमा ओसिएको रोहवरमा एनओसीका अध्यक्ष जीवनराम श्रेष्ठ र […]

Success

Thank you for your time.