पोखरा (हाम्रो खेलकुद) – पूर्व राष्ट्रिय फुटबल खेलाडी तथा सहारा क्लव हङकङका बरिष्ठ उपाध्यक्ष एवं सहारा क्लव पोखराका आजीवन सदस्य बिल तामाङको ४९ औं दिनको पुण्यतिथीमा पोखरामा सोमबार श्रद्धाञ्जली सभा आयोजना गरियो । सभामा तामाङले खेलकुद र सामाजिक क्षेत्रमा पुराएको योगदानको चर्चा गरिएको थियो ।

राष्ट्रिय खेलकुद परिषदका सदस्य राजेश कुमार गुरुङ, गण्डकी प्रदेश खेलकुद परिषदका सदस्य सचिव तेजबहादुर गुरुङ, जिल्ला खेलकुद विकास समिति कास्कीका अध्यक्ष तोरण बहादुर बानियाँ, अग्रज पत्रकार नारायण कार्की, नेपाल खेलकुद पत्रकार मञ्च गण्डकीका अध्यक्ष एकराज गिरी, क्लवका संस्थापक अध्यक्ष बसन्त थकाली, सल्लाहकार सुनिल गुरुङ लगायतले खेलाडी तामाङले खेलकुदमा पुर्याएको योगदानको चर्चा गरे । उनको तष्विरमा पुष्पा गुच्छा अपर्ण गरेका थिए । सभाको अध्यक्षता सहारा क्लबका अध्यक्ष केशव बहादुर थापाले गरेका थिए ।

सहारा क्लबले सञ्चालन गरेको एकेडेमीका पहिलो प्रशिक्षक तामाङले फ्रेन्डस, आरसिटी, जनकपुर चुरोट कारखानाको टोलीबाट फुटबल खेलेका थिए । पोखरा संगम टोल निवासी ४६ बर्षीय तामाङ को निधनले सहारा क्लबलाई समेत ठुलो क्षेति पुगेको क्लवले जनाएको छ । एएफसी लाईसेन्सको प्रमाणपत्र लिन स्वदेश आएका तामाङको कोरोनाको कारण निधन भएको थियो ।