काठमाडौं (हाम्रो खेलकुद) – आईटिटिएफ फाउन्डेसन जर्मनीले टेबुल टेनिस मार्फत महिला सशक्तिकरण भन्ने मुल नाराका साथ विश्व टेबल टेनिस डे मनाई रहँदा नेपालमा आइतबार एक कार्यक्रम आयोजना गरिएको थियो ।

कार्यक्रमको संयोजन आईटिटिएफ टेबल टेनिस लेभस २ प्रशिक्षक र अन्तर्राष्ट्रिय अम्पायर रहेका नरेश रावलले संयोजन गरेका थिए । सरोज टेबल टेनिस फर अल एकेडेमीका संस्थापक समेत रहेको प्रशिक्षक रावले चन्द्रागिरीस्थित भकुण्डे चौर युवा समाजमा कार्यक्रम आयोजना गरिएको थियो ।

कार्यक्रममा सहभागी बालबालिकालाई टेबल टेनिस ब्याट, बल र टिसर्ट वितरण गरिएको थियो । कार्यक्रममा चन्द्रागिरी नगरपालिकाका मेयर धनश्याम गिरीले सहभागीहरुलाई टेबल टेनिस खेलले व्यक्तिगत विकास र राष्ट्रको गरिमा बढाउन सक्ने बताएका थिए ।

नेपाल एपिएफ क्लबका टेबल टेनिस प्रशिक्षक समेत रहेका पूर्व राष्ट्रिय खेलाडी राजेन्द्र दुवालले महिला खेलाडीलाई टेबल टेनिस खेल्न प्रेरित गरेका थिए । दुवालले टेबुल टेनिस प्रशिक्षण समेत गराएका थिए । प्रशिक्षक रावल यस्ता कार्यक्रमले महिलाहरुमा टेबल टेनिसप्रतिको रुची बढ्ने विश्वास व्यक्त गरे । कार्यक्रमलाई सफल बनाउन सहयोगी भूमिका निर्वाह गर्नेलाई एकेडेमीकी अध्यक्ष सन्जु थापाले धन्यवाद दिइन् ।